Ծառայութեան մէջ հմտութիւնդ բարելաւէ. Հաղորդակցութեան ներքին գիծի միջոցաւ վկայել

Ինչո՛ւ կարեւոր է։ Հաղորդակցութեան ներքին գիծի միջոցաւ վկայելը թերեւս մեզ վհատեցնէ։ Ի՞նչ կրնանք ընել, որ այս մարտահրաւէրը բարի գործերու հանդէպ մեր նախանձախնդրութիւնը չտկարացնէ։ Ի մտի ունեցիր թէ ներքին գիծի միջոցաւ վկայելը, թերեւս միակ միջոցը ըլլայ կարգ մը մարդոց բարի լուրը հասցնելու (Հռով. 10։14)։ Փորձառաբար ի յայտ եկած է, թէ այս կերպով ազդու վկայութիւն մը կրնայ տրուիլ (տե՛ս 2011–ի Տարեգիրք–ը, էջ 65-66 եւ 2000–ի Տարեգիրք–ը, էջ 54, պարբ. 3, անգլերէնով)։ Նկատի առ հետեւեալ թելադրութիւնները։

Ինչպէ՛ս վկայել։

• Պատրաստէ եւ գրի առ հակիրճ ներկայացում մը, որպէսզի զայն տանտիրոջ ուղղակի կարդաս ներքին գիծին միջոցաւ։ Ասիկա ինքնավստահութիւնդ պիտի զօրացնէ։ Նախ այցելութեանդ նպատակը բացատրէ։ Եթէ տանտիրոջ անունը կ’երեւնայ շէնքին բնակիչներուն ցանկին վրայ, զայն գործածէ։ Վերջաւորութեան, առաջարկէ որ իրեն տաս թերթիկ մը կամ պարբերաթերթ մը (կամ դրան առջեւ ձգես), որ յաւելեալ տեղեկութիւններ պիտի փոխանցէ։

• Լաւատես եղիր։ Ժպիտով խօսէ ու այնպիսի կերպով մը՝ որ կարծես թէ անհատը դիմացդ է։

• Հանդարտ եղիր եւ խօսակցական ոճով խօսէ։ Յստակ կերպով խօսէ եւ ձայնդ լսելի թող ըլլայ։ Անհարկի դադար մի՛ առներ, բայց շատ ալ արագ մի՛ խօսիր։

• Լաւ դատողութիւն գործածէ։ Մեծ շէնքերու մէջ, կրնայ ըլլալ որ շատ մը հաղորդակցութեան ներքին գիծեր ըլլան։ Թերեւս աւելի յարմար է զարնել միայն երեք զանգեր, նոթագրել թէ ո՛ւր կեցար եւ ապա վայրը ձգել։ Եթէ իւրաքանչիւր զանգ զարնելու համար երկար կենանք, թերեւս շէնքին բնակիչները վախնան։

Այս ամսուան ընթացքին, հետեւեալը փորձէ.

• Ընտանեկան պաշտամունքի ատեն փորձի նիստեր ըրէ, որուն ընթացքին ընտանիքիդ անդամները դէմ–դիմաց չեն նստիր։