ՆԱՍԱ նկար
ԱՐԹՈ՛ՒՆ ԿԵՑԷՔ
Արդեօք կա՞յ կայուն կառավարութիւն մը, որ կրնայ ամբողջ աշխարհի վրայ իշխել. Աստուածաշունչը ի՞նչ կ’ըսէ
Աշխարհի չորս կողմը, կառավարութիւններ խառնաշփոթ վիճակ ունին։ Նոյնիսկ այն երկիրները, որոնք երեւութապէս կայուն կառավարութիւն ունին, գէշ կերպով ազդուած են՝ երբ անոնց քաղաքագէտներուն մասին ամօթալի տեղեկագրութիւններ դուրս եկած են, քուէարկութիւններու արդիւնքները շատ մօտ եղած են, քաղաքական հարցերու շուրջ մարդոց մէջ լուրջ անհամաձայնութիւններ եղած են եւ երբ անոնց քաղաքացիները վայրագ ցոյցեր ըրած են։
Աստուածաշունչը կը յայտնէ, որ միայն մէ՛կ կառավարութիւն կայ, որ կայուն է։ Թերեւս արդէն լսած այդ կառավարութեան մասին։ Յիսուս Քրիստոս ատոր մասին յիշեց տիպար աղօթքին մէջ։
«Ուստի այսպէս աղօթք ըրէք դուք. ‘Ով Հայր մեր որ երկինքն ես, քու անունդ սուրբ ըլլայ. Քու թագաւորութիւնդ գայ. քու կամքդ ըլլայ ինչպէս երկինքը՝ նոյնպէս երկրի վրայ» (Մատթէոս 6։9, 10)։
Աստուածաշունչը ի՞նչ կ’ըսէ այդ Թագաւորութեան մասին։
Թագաւորութիւնը կայուն կառավարութիւն մըն է
Թագաւորութիւնը երկնքէն կ’իշխէ։
Յիսուս այդ կառավարութիւնը կոչեց «երկնքի թագաւորութիւնը» (Մատթէոս 4։17. 5։3, 10, 19, 20)։ Անո՛ր համար է որ ան ըսաւ. «Իմ թագաւորութիւնս այս աշխարհէն չէ» (Յովհաննէս 18։36)։
Թագաւորութիւնը պիտի փոխարինէ բոլոր մարդկային կառավարութիւնները։
Աստուածաշունչը կ’ըսէ. «Այս թագաւորութիւնը... բոլոր [մարդկային] թագաւորութիւնները պիտի փշրէ ու պիտի հատցնէ ու ինք յաւիտեան պիտի մնայ» (Դանիէլ 2։44)։
Թագաւորութիւնը, որուն Թագաւորը Յիսուս Քրիստոս է, բնաւ պիտի չկործանի։
Աստուածաշունչը կ’ըսէ. «Անոր իշխանութիւնը յաւիտենական իշխանութիւն է, որ պիտի չանցնի ու թագաւորութիւնը պիտի չաւրուի» (Դանիէլ 7։13, 14)։
Թագաւորութիւնը երկրագունդի վրայ խաղաղութիւն եւ ապահովութիւն պիտի բերէ։
Աստուածաշունչը կ’ըսէ. «Ամէն մարդ իր որթատունկին տակ ու իր թզենիին տակ պիտի նստի, վախցնող պիտի չըլլայ» (Միքիա 4։4)։
Թագաւորութեան մասին աւելի՛ն սորվէ
Երբ Յիսուս երկրի վրայ էր, իր ժամանակին մեծամասնութիւնը անցուց՝ ‘քարոզելով արքայութեան աւետարանին’ մասին,– այսինքն՝ Թագաւորութեան բարի լուրին մասին (Մատթէոս 9։35)։ Ան նաեւ մարգարէացաւ.
«Արքայութեան այս աւետարանը բովանդակ աշխարհի մէջ պիտի քարոզուի՝ բոլոր ազգերուն վկայութիւն ըլլալու։ Անկէ յետոյ վերջը պիտի գայ» (Մատթէոս 24։14)։
Այսօր, Թագաւորութեան բարի լուրը կը քարոզուի աւելի քան 240 երկիրներու մէջ։ Քեզ կը քաջալերենք, որ այս կառավարութեան մասին աւելի՛ն սորվիս եւ տեսնես թէ ինչպէ՛ս կրնաս օգտուիլ ատոր իշխանութենէն։
Հաճիս դիտէ Ի՞նչ է Աստուծոյ Թագաւորութիւնը վիտէոն։