Պարբերաթերթեր Եւ Գրքոյկներ Տեղաւորելու Նպատակով Հետապնդենք

¹ Յիսուս իր հետեւորդները քաջալերեց որ ջանան աշակերտել։ (Մատթ. 28։19) Ատիկա կը նշանակէ աւելի քան պարզապէս գրականութիւններ տեղաւորել. կ’ուզենք մարդոց օգնել որ հոգեւորապէս յառաջդիմեն։ Ասիկա ընելու համար պէտք է վերադառնանք հետաքրքրութիւն յայտնաբերողներուն յաւելեալ օժանդակութիւն հայթայթելու համար։

² Ձեր առաջին հանդիպումին եթէ պարբերաթերթերէն մէկուն յօդուածի մը մասին խօսեցաք, լաւ պիտի ըլլայ որ նոյն նիւթը նկատի առնէք երբ վերադառնաք.

◼ «Երբ նախապէս այցելեցի, ձեր ուշադրութեան յանձնեցի Աստուծոյ նպատակը մարդկութեան աւելի լաւ ապագայ մը ապահովելու մասին։ Մատթէոս 6։9, 10 կ’արձանագրէ խոստումը թէ իր երկնային Թագաւորութիւնը բոլոր պատերազմներուն վերջ մը պիտի դնէ»։ Համարը կարդալէ ետք, ցոյց տուէք Ապրիլ 1 Դիտարանի (Արաբ.) կողքի պատկերը։ Նկատի առէք 6–րդ էջին 3–րդ պարբերութիւնը եւ անոր մէջբերուած համարները, նշելով թէ Մատթէոս 6։9, 10–ն անոնցմէ մէկն է։ Կարգադրեցէք վերայցելել խօսակցութիւնը շարունակելու համար։

³ Վերայցելութեան ատեն եթէ տանուտիրոջ հետաքրքրութիւնը կը թուի բաւարար ըլլալ եւ ան ժամանակ չունի խօսակցելու համար, կրնաք պարզապէս անոր անունը աւելցնել պարբերաթերթերով վերայցելութիւններ ընելու ցանկին վրայ.

◼ «Քանի որ հետաքրքրութիւն կը ցուցաբերէք Աստուածաշունչին հանդէպ, կը խորհիմ որ այս յօդուածը յատկապէս ուշագրաւ պիտի գտնէք»։ Ցոյց տուէք յօդուած մը որ կը զգաք թէ անոր կոչ պիտի ընէ։ Առաջարկեցէք վերադառնալ յաջորդ թիւերով։

⁴ Եթէ տանուտէրը այցելութեան հանդէպ գնահատանք կ’արտայայտէ, կրնաք բաժանորդագրութիւն մը առաջարկել.

◼ «Քանի որ կը թուի որ Աստուածաշունչի նիւթերէն հաճոյք կ’առնէք, ուրախ եմ ամենավերջին թիւերը յանձնելով երբ կը հրատարակուին։ Եթէ կը փափաքիք, կրնամ կարգադրել որ զանոնք կանոնաւորաբար ձեզի բերեմ այնպէս որ վստահ կ’ըլլաք ամէն թիւ ստանալու»։ Եթէ ան բաժանորդագրութիւն մը կ’ուզէ, կրնաք պէտք եղած կարգադրութիւնը ընել։

⁵ Եթէ այս վերայցելութեան ընթացքին նաեւ գրքոյկ մը տեղաւորեցիք, բայց պատեհութիւն չունեցաք ուսումնասիրութեան կարգադրութիւնը ցոյց տալու, ծրագրեցէք ասիկա ընել յաջորդ վերայցելութեան ատեն։

Օրինակի համար, եթէ կը ծրագրէք «Կառավարութիւն» գրքոյկը տեղաւորել քան թէ բաժանորդագրութիւն մը առաջարկել, կրնաք ըսել.

◼ «Նկատեցէք ինչ որ 3–րդ էջը մեզի կ’ըսէ Յիսուսի քարոզած պատգամին բնաբանին մասին երբ ան երկրի վրայ էր»։ Ապա հակիրճօրէն նկատի առէք 3–րդ էջի տեղեկութիւնները։ Տանուտիրոջ հարցուցէք թէ ի՛նչ պէտք է ընէ որպէսզի աւելի սորվի։ Ապա ըսէք. «Կարեւոր է որ գնահատենք թէ ինչո՛ւ այսքան շատ կարիքը ունինք Աստուծոյ Թագաւորութեան։ Կը փափաքիմ վերադառնալ ու բացատրել թէ ինչո՛ւ պէտք է դիտենք Աստուծոյ Թագաւորութեան որպէս մեր միակ յոյսը»։

⁶ Այլազան գրքոյկներ ունինք։ Հետաքրքրական կէտերու տեղերը հաստատեցէք այն գրքոյկին մէջ որ կը ծրագրէք գործածել։ Անիկա ձեզի պիտի օգնէ որ անկեղծ անհատները քաջալերէք որ Յիսուսի պատուիրած բաներուն մասին աւելի սորվին։—Մատթ. 28։20