Մասնաւոր Թագաւորութեան Լուրեր Ամէն Անհատի Համար
1 Ապրիլ 24–էն ի վեր, սկսանք բաշխել մասնաւոր Թագաւորութեան Լուրերը որ ամէնուրեք մտահոգ մարդոց հետաքրքրութիւնը շարժեց։ Անոր պատգամը ոչ միայն ժամանակայարմար է, այլ նաեւ՝ ստիպողական։ Ամէն ժողովքի մէջ հրատարակիչները ամբողջ սրտով նեցուկ կանգնեցան, ուզելով այս պատգամը յանձնել հազարաւոր մարդոց։ Կը ջանա՞ք լման բաժին մը բերել։
2 Թագաւորութեան Լուրերէն քանակ մը ղրկուեցաւ իւրաքանչիւր ժողովքի, հայթայթելով մօտաւորապէս իւրաքանչիւր հրատարակիչի 50 հատ եւ իւրաքանչիւր ռահվիրայի՝ 250 հատ։ Քանի՞ հատ կրցաք բաշխել։ Եթէ ձեր յուսացածին չափ չկարողացաք ընել, կը մտածէ՞ք կերպերու մասին որպէսզի աւելին ընէք, բաշխումը Մայիս 14–ին վերջ գտնելէ առաջ։ Ի՞նչ ըսել որպէս օժանդակ ռահվիրայ ծառայելու մասին։ Կրնա՞ք օգտագործել ծառայութեան համար եղած յաւելեալ ժողովները շաբթուան ընթացքին, ինչպէս՝ երեկոյեան վկայութեան համար եղած ժողովները։
3 Երէցները ուշադրութեամբ վերաքաղ պիտի ընեն թաղամասերուն ծածկուիլը։ Եթէ նշանակուած ժողովքը պիտի չկարենայ աշխատցնել կարգ մը մասեր, երէցները պէտք է օգնութեան համար կապ պահեն մօտակայ ժողովքներուն հետ։ Մեր անկեղծ ջանքերը, ինչպէս նաեւ լաւ համագործակցութիւնը ժողովքներուն միջեւ, պիտի ձգեն որ գործը կատարուի։
4 Հաւանաբար յաւելեալ ուրախութեան փորձառութիւնը ունեցաք այս գործին մէջ քանի որ շատեր մասնակցեցան, մէջը ըլլալով նոր հրատարակիչներ եւ պատանիներ։ Կ’ակնկալենք որ ուրախութեան այս հոգին պիտի պահպանուի, քաջալերելով բոլորը որ հետապնդեն՝ վերայցելելով զանոնք որոնք նպաստաւոր կերպով ընդառաջեցին։ Մեզի քաջալերութիւն տրուած է որ ճշգրիտ տունէ–տուն արձանագրութիւններ պահենք, նոթագրելով հետաքրքրութիւն ցուցաբերողներուն մասին։ Մայիսի վերջին մասը ընտիր ժամանակ մը պիտի ըլլայ կեդրոնանալու վերայցելութիւններ ընելու վրայ, նոր ուսումնասիրութիւններ սկսելու նպատակակէտով։
5 Ի՞նչ կրնանք ըսել երբ կը վերադառնանք։ Կրնայ ազդեցիկ ըլլալ հետեւեալը ըսելը. «Թերեւս կը յիշես այն տպուած տեղեկութիւնը զոր վերջերս քեզի յանձնեցի. կը յուսամ որ առիթ մը ունեցար զայն կարդալու եւ նիւթին մասին մտածելու։ Անոր պատգամը վստահաբար դուռ բացած է շատ մը խօսակցութիւններու մեր համայնքին մէջ, քանի որ ան հակիրճօրէն նկատի կ’առնէ ամբողջ մարդկութեան դիմագրաւած կենսական հարցեր»։ Ակնարկեցէք երկրորդ էջին մէջ միտք գրգռող կարգ մը արտայայտութիւններու, ապա հարցուցէք. «Ի՞նչ կը խորհիս որ պէտք է ընենք որպէսզի վստահ ըլլանք թէ պատրաստուած ենք այն բանին զոր ապագան պիտի բերէ»։ Թոյլ տուէք որ պատասխանէ։ Եթէ հետաքրքրութիւն ցուցաբերուի, խօսակցեցէք ուրիշ կէտերու մասին՝ Թագաւորութեան Լուրերու 2–4 էջերուն մէջ, եւ առաջարկեցէք Աստուածաշունչի ուսումնասիրութիւն մը կամ՝ եթէ այդ մէկը կարելի չէ՝ ամենավերջին պարբերաթերթերը։
6 Եթէ ուրիշ ժողովքի մը թաղամասին մէջ կ’աշխատիք, վստահ եղէք որ ձեր գտած հետաքրքրուած անհատներու անունները յանձնէք այդ ժողովքին, որպէսզի հրատարակիչները կարենան վերայցելութիւններ ընել։ Նմանապէս, եթէ ձեզմէ խնդրուի որ հետապնդէք կարգ մը այցելութիւններ, մի թերանաք շուտով վերադառնալու։
7 Այս Թագաւորութեան Լուրերու մասնաւոր բաշխումը գրգռում յառաջ բերաւ եւ բոլորս մղեց որ մեր ջանքերը աւելցնենք Թագաւորութիւնը քարոզելու գործին մէջ։ Կրնանք վստահ ըլլալ որ անիկա մեծ յաջողութիւն մը պիտի ըլլայ, ամէնուրեք մարդոց ա՛լ աւելի ճանչցնելով Եհովայի մեծ անունն ու նպատակը։ (Եսայ. 12։4, 5) Որքա՛ն աւելի կ’ընենք, այնքան աւելի մեծ ուրախութիւն կը քաղենք։—Սաղմ. 126։3