Չնշանակուած Թաղամաս Մը Պիտի Աշխատցնէ՞ք
Ինչպէս ուրուագծուած է Ընկերութեան 1 Յունուար 1996 թուակիր նամակին մէջ, այս տարի անգամ մը եւս խումբ–խումբ հրատարակիչներ հրաւիրուած են որ չնշանակուած թաղամասեր ծածկելու մասնակցին։ Եթէ խումբի մը մաս կը կազմէք, որ յատկապէս Ընկերութեան կողմէ նշանակուած է այսպիսի թաղամաս մը աշխատցնելու համար, հետեւեալ տեղեկութիւնները օգտակար պիտի ըլլան որ ձեր ծրագիրները ընէք. Փոխանակ գլխաւորաբար գրքոյկներ ներկայացնելու, կրնաք հետեւեալ գրքերը ներկայացնել՝ Դուք Կրնաք Յաւիտեան Ապրիլ Երկրային Դրախտի մը մէջ, Կեանքը Ինչպէ՞ս Գոյացաւ—Բարեշրջութեա՞մբ թէ Ստեղծագործութեամբ, Մեծագոյն Մարդը որ Ապրած Է կամ Միացած՝ Միակ Ճշմարիտ Աստուծոյ Պաշտամունքին մէջ։ Եթէ այս գրքերէն բաւարար քանակ մը մատչելի չէ, անմիջապէս ապսպրեցէք որպէսզի չնշանակուած թաղամասը աշխատցնելու համար ձեզի պէտք եղածը ունենաք։