Շարունակեցէք Ճշմարտութեան Մասին Խօսիլ

¹ Առաքեալները յայտարարեցին. «Մենք զայն որ տեսանք ու լսեցինք՝ չենք կրնար չխօսիլ»։ (Գործք 4։20) Այսօր մենք ալ պէտք է շարունակենք ճշմարտութեան մասին խօսիլ։ Դիտարանի ու Զարթի՛րի ցրուումը մտիկ ընողները գտնելու միջոց մը ըլլալով հանդերձ, մենք պէտք է վերադառնանք եթէ կ’ուզենք հետաքրքրուած անհատներուն ճշմարտութեան մասին աւելի սորվեցնել։

² Երբ կը վերայցելես անհատ մը որ «Զարթի՛ր»ի Ապրիլ ամսուան մասնաւոր թիւը ընդունած էր, որուն նիւթերէն մէկն էր՝ «Երբ Պատերազմներ Այլեւս Պիտի Չըլլան», կրնաս Աստուածաշունչի ուսումնասիրութիւն մը առաջարկել, հետեւեալը ըսելով.

◼ «Անցեալ անգամ խօսակցեցանք ազգերուն պատերազմներուն եւ անոնց մէջ կրօնքին ունեցած դերին մասին։ Արդեօք գիտակցա՞ծ ես որ այսպիսի դէպքեր յստակօրէն կ’ապացուցանեն որ Աստուածաշունչին կոչած վերջին օրերուն մէջ կ’ապրինք։ [Ցոյց տուր Գիտութիւն գիրքը։ Կարդա ԺԱ. գլուխին առաջին պարբերութիւնը եւ ուշագրաւ դարձուր էջ 102–ի վրայ գտնուող շրջագիծը։] Այս գիրքը այդ նիւթը կը բացատրէ, ինչպէս նաեւ՝ բովանդակութեան մէջ յիշուած 18 ուրիշ նիւթեր։ [Ցոյց տուր 3–րդ էջը։] Եթէ թոյլ տաս, կը փափաքիմ ցուցադրել թէ այս գիրքը ի՛նչպէս կրնայ քեզի օգնել որ այս կարեւոր սուրբ գրային հարցերը հասկնաս»։ Եթէ թոյլ տայ, էջ 6–էն սկսեալ ուսումնասիրութիւն մը սկսիր։

³ Եթէ խոստացած էիր վերադառնալ ու բացատրել թէ ի՛նչպէս կարելի է ներկայիս իսկ ապահով կեանք մը վայելել, կրնաս ասոր նման բան մը ըսել.

◼ «Մեր առաջին հանդիպումին, քեզի հետ Աստուածաշունչէն հատուած մը բաժնեցի որ մարդկութեան ապագային նկատմամբ լաւատես ըլլալու պատճառ կու տայ մեզի։ Այսօր կը փափաքիմ ուշադրութիւնդ դարձնել բանի մը որ ցոյց կու տայ թէ ո՛վ կրնայ հիմա իսկ մեզի ապահովութեան զգացում մը տալ»։ Կարդա Սաղմոս 4։8։ Բաց Գիտութիւն գրքին 168–րդ էջը ու կարդա 19–րդ պարբերութիւնը։ Ապա հարցուր. «Կը փափաքի՞ս տան մէջ Աստուածաշունչի ձրի ուսումնասիրութիւն մը վայելել որ յստակօրէն ցոյց կու տայ թէ ի՛նչպէս դուն ալ կրնաս կեանքիդ մէջ այսպիսի ապահովութիւն գտնել»։ Եթէ պատասխանը դրական է, բաց Ա. գլուխը։

⁴ Որպէսզի պարբերաթերթերով կանոնաւոր այցելութիւններ ընելու ցանկին վրայ աւելցնես այն անհատները որոնց 22 Մայիս թուակիր «Զարթի՛ր»ը ձգեցիր, կրնաս հետեւեալ մօտեցումը գործածել.

◼ «Շատ հետաքրքրուած էիր քեզի ձգած Զարթի՛ր պարբերաթերթը կարդալով, որ կը քննարկէր սեռային ձանձրոյթը գործատեղիին մէջ։ Նիւթը ուշագրաւ գտա՞ր։ [Թոյլ տուր որ պատասխանէ։] Զարթի՛րի կանոնաւոր ընթերցողները յաճախ կ’ըսեն որ անոր այսպիսի կարեւոր նիւթեր պարկեշտութեամբ ու լման կերպով ձեռք առնելը կը գնահատեն։ Կը խորհիմ որ ատիկա շիտակ պիտի գտնես այս ամենավերջին թիւին պարագային ալ։ [Կողքին նիւթը հակիրճօրէն ցցուն ըրէ։] Կը փափաքի՞ս զայն կարդալ»։

⁵ Կրնաս վերայցելութեան ատեն ուղղակի ուսումնասիրութիւն մը առաջարկել, ըսելով.

◼ «Մեր պարբերաթերթերը համայն աշխարհի մէջ կը ցրուենք, Աստուածաշունչի ուսուցումներուն մասին ամէնուրեք մարդոց տեղեակ պահելու համար։ Եթէ անհատներ իրենց սորվածը գնահատեն, տան մէջ Աստուածաշունչի ձրի ուսումնասիրութիւն մը կ’առաջարկենք անոնց։ [Ակնարկէ Անգլերէն Դիտարանի ետեւի կողքին վրայ գտնուող ‘Այցելութիւն մը կ’Ողջունէ՞ք’ շրջագծին։] Գիտութիւնը որ Յաւիտենական Կեանքի կ’Առաջնորդէ խորագրով այս գիրքը որպէս ուղեցոյց կը գործածենք։ Թող հակիրճօրէն քեզի ցոյց տամ թէ ուսումնասիրութիւն մը ի՛նչպէս կը վարուի»։

⁶ Եթէ շարունակենք ճշմարտութեան մասին խօսիլ, կրնանք վստահ ըլլալ որ ոմանք մտիկ պիտի ընեն ու նպաստաւոր կերպով ընդառաջեն։—Մար. 4։20