Ընտանիք Գիրքը Ներկայացուցէք Ամէն Տարիքի Մարդոց

¹ Գալիֆորնիայէն, 11 տարեկան պատանի մը իր գնահատութիւնը արտայայտեց Ընտանեկան Ուրախութեան Գաղտնիքը գրքին հանդէպ։ Ան գրեց. «Անոր համար շատ երախտապարտ եմ եւ կը քաջալերեմ որ ուրիշ ընտանիքներ ալ այս գիրքը կարդան, քանի որ սքանչելի է։ Անիկա . . . իմ ընտանիքիս խաղաղութեան եւ ուրախութեան կը նպաստէ»։ Այս պատանիին փորձառութիւնը մեզ պէտք է քաջալերէ որ Ընտանիք գիրքը ամէն տարիքի մարդոց ներկայացնենք։ Ստորեւ կու տանք քանի մը թելադրութիւններ, զորս թերեւս ուզէք փորձել ձեր ծառայութեան մէջ, Փետրուար ամսուան ընթացքին։

² Երբ երիտասարդի մը հանդիպիք, կրնաք հարցնել.

◼ «Ձեր տարիքը ունեցողներէն շատեր ամուսնութեան մասին կը մտածեն։ Այս նիւթին մասին ո՞ւր կրնաք վստահելի տեղեկութիւն մը գտնել։ [Թոյլ տուէք որ պատասխանէ։] Երիտասարդներ յաճախ կ’ըսեն որ վստահ չեն թէ պատրաստ են ամուսնանալու։ Կ’ուզեմ ձեր հետ բաժնել ինչ որ այս գիրքը կ’ըսէ այս նիւթին մասին»։ Բացէք Ընտանիք գրքին 14–րդ էջը եւ կարդացէք 3–րդ պարբերութիւնը։ Ապա ուշադրութիւն ընծայեցէք այդ գլուխին մէջ եղող ամէն ենթագլուխներուն։ Գիրքը ներկայացուցէք եւ վերայցելութեան կարգադրութիւն ըրէք։

³ Երբ ծնողի մը հետ կը խօսիք, կրնաք ըսել.

◼ «Ծնողներու հետ կը բաժնեկցինք կարգ մը գործնական ուղեցոյցներ, որոնք իրապէս օգտակար են զաւակներ մեծցնելու համար։ Այս բոլորը հաւաքուած են այս հատորին մէջ՝ Ընտանեկան Ուրախութեան Գաղտնիքը»։ Բացէք էջ 55 եւ կարդացէք 10–րդ պարբերութիւնը։ Անկէ ետք 11–րդ պարբերութեան մէջ գտնուող Բ. Օրինաց 6։6, 7–ն կարդացէք։ Ապա ուշադրութիւն հրաւիրեցէք 12-16–րդ պարբերութիւններուն մէջ ուղիղ տառերով գրուած նախադասութիւններուն։ Շարունակեցէք, ըսելով. «Այս գիրքը շատերուն օգնած է, որ աւելի մեծ յաջողութիւն գտնեն որպէս ծնողներ։ Եթէ կը փափաքիք զայն կարդալ, սիրով այս օրինակը կրնամ ձեզի տալ»։

⁴ Երբ տարեցի մը հետ կը խօսակցիք, կրնաք ըսել.

◼ «Հակիրճ մեկնաբանութիւն մը պիտի կարդամ որմէ ետք ըսէք թէ անձամբ ի՛նչ կը խորհիք այս մասին»։ Բացէք Ընտանիք գրքին 169–րդ էջը եւ կարդացէք 17–րդ պարբերութեան առաջին երկու նախադասութիւնները։ Ապա խնդրեցէք որ պատասխանէ։ Պատասխանին համաձայն, կրնաք գրքէն կարգ մը յաւելեալ մէջբերումներ կարդալ, զայն ներկայացնելէ առաջ։

⁵ Երբ կը վերայցելենք Ընտանիք գիրքը ընդունած անհատներուն, ի մտի ունենանք Աստուածաշունչի ուսումնասիրութիւն մը սկսիլ։ Ի՛նչ կը Պահանջէ գրքոյկին 8–րդ Դասը, կամ Գիտութիւն գրքին 15–րդ գլուխը, ուսումնասիրութիւն մը սկսելու համար յարմար կրնան ըլլալ։ Մինչ այդ, ջանանք ամէն տարիքի մարդոց օգնել որ քրիստոնէական ուրախ ընտանեկան կեանք մը կերտեն։