Ի՛նչպէս Աւելի Ուրախութիւն Քաղել Ժողովներէն
1 Ժողովները մեր հոգեւոր բարօրութեան համար կենսական են։ Ժողովներէն մեր քաղած ուրախութիւնը ուղղակիօրէն կախեալ է անոնցմէ առաջ, անոնց ընթացքին եւ անոնցմէ ետք մեր ըրած բաներէն։ Ի՞նչպէս կրնանք մենք մեզի եւ ուրիշներուն օգնել որ ժողովներու ներկայ գտնուելու ուրախութիւնը բարձր մակարդակի վրայ պահուի։
2 Ժողովներէն Առաջ. Պատրաստութիւնը ուղղակիօրէն կ’ազդէ ժողովներէն մեր ստացած ուրախութեան։ Երբ լաւ պատրաստուած ենք, ուշադրութիւն ընծայելու եւ մասնակցելու աւելի հակում կ’ունենանք։ Ասկէ զատ, մեզի տրուած ժողովքային որեւէ նշանակում պէտք է լաւ պատրաստենք, նպատակակէտ ունենալով՝ տրուած հրահանգներուն համաձայն տեղեկութիւնները ճշգրտօրէն հաղորդել եւ ներկաներուն հետաքրքրութիւնը շարժել։ Պէտք է լաւ փորձ ընենք։ Երբ բոլորին օգտակար եղող վառ եւ կերտիչ ժողովներու օժանդակենք, մեր անհատական յառաջդիմութիւնը յայտնի կ’ըլլայ եւ աւելի ուրախութիւն կ’ունենանք։—Ա. Տիմ. 4։15, 16
3 Ժողովներու Ընթացքին. Ժողովներուն պատասխաններ տալը մեզի կ’օգնէ որ անոնցմէ աւելի հաճոյք առնենք։ Ներկաներուն մասնակցութիւնը պահանջող բաժինները, ժողովքի բոլոր անդամներուն կողմէ որպէս անձնական նշանակում պէտք է նկատուին։ Ամփոփ եւ բուն կէտը շօշափող պատասխանները սովորաբար ամենէն ազդեցիկն են։ Հակիրճօրէն պատմուած շինիչ փորձառութիւնները կրնան շատ քաջալերական եւ ոգեւորիչ ըլլալ. արթուն պէտք է ըլլանք զանոնք մէջբերելու, երբ յարմար է։ (Առ. 15։23. Գործք 15։3) Երբ ժողովին մէջ բաժին մը կը ներկայացնէք, խանդավառութեամբ ու համոզումով պէտք է խօսիք, զայն հետաքրքրական, իրապաշտ եւ գործնական դարձնելով։
4 Ժողովներէն Ետք. Ուրիշներուն հետ քանի մը անոյշ խօսք, բարեկամական ողջոյն մը եւ ժողովին մէջ յիշուած քանի մը գլխաւոր կէտեր փոխանակելը, մեր բոլորին օգտակար պիտի ըլլայ։ Մանուկներուն, տարեցներուն եւ նորեկներուն մասնակցութեան համար մեր ուրախութիւնը արտայայտելը, եղբայրութեան հանդէպ մեր սէրը կը խորացնէ։ Փոխանակ ժողովներէն բացակայողները քննադատելու, պէտք է անոնց հետ բաժնենք ներկայ գտնուելէն առթած ուրախութիւնը, այսպիսով զանոնք քաջալերելով որ ներկայ գտնուին։—Եբր. 10։24, 25
5 Փոխադարձ քաջալերութիւն տուող այս կենսական հայթայթումէն մենք մեզ չզրկենք։ (Հռովմ. 1։11, 12) Խղճմտօրէն ամէն ջանք թափելով, բոլորս ալ կրնանք քրիստոնէական ժողովներուն ներկայ գտնուելու մէջ մեր ուրախութիւնը պահպանել։