«Աստուծոյ Խօսքը Ուսուցանողներ» Բնաբանով Եհովայի Վկաներու 2001–ի Նահանգային Համաժողով

¹ Եսայի մարգարէն Եհովան նկարագրեց որպէս Մեծ Ուսուցիչ, որ հօր մը նման կը յորդորէ. «Ասիկա է ճամբան, ասկէ քալեցէք»։ (Եսայ. 30։20, 21, ՆԱ) Սակայն, մեր օգտին համար Եհովայի խօսած խօսքերը ի՞նչպէս կրնանք լսել։ Եհովա իր ժողովուրդին կը խօսի Աստուածաշունչին ընդմէջէն, ինչպէս նաեւ՝ «հաւատարիմ ու իմաստուն ծառայ»ին հայթայթած Աստուածաշունչի վրայ հիմնուած գրականութիւններուն, ժողովներուն, շրջանային եւ նահանգային համաժողովներուն միջոցաւ։ (Մատթ. 24։45) Կրնանք Եհովայի երախտապարտ ըլլալ որ ան կը շարունակէ մեզ առաջնորդել մեր քալելիք ճամբուն մէջ։

² Ամէն տարի, նահանգային համաժողովը մեր հաւատակիցներուն հետ հաւաքուելու եւ Եհովայի հրահանգներուն ուշի ուշով մտիկ ընելու պատեհութիւնը կը հայթայթէ։ Անցեալ տարի, 1,428,139 հոգի ներկայ գտնուեցաւ հոգեւորապէս թարմացնող «Աստուծոյ Խօսքը Կատարողներ» Նահանգային Համաժողովներուն։ 2001–ին, «Աստուծոյ Խօսքը Ուսուցանողներ» բնաբանով եռօրեայ Նահանգային Համաժողովներ տեղի պիտի ունենան ամբողջ Միացեալ Նահանգներուն տարածքին։ Գիտենք թէ ակնկառոյց կը սպասէք որ ներկայ ըլլալու ձեր կարգադրութիւնները ընէք, հետեւաբար ձեզի օգնելու համար հետեւեալ ցուցմունքները կը հայթայթենք։

³ Իջեւանի Վերապահումներ Ընել. Որպէսզի պանդոկները համաժողովի յաճախող եղբայրներէն ու քոյրերէն սուղ գիներ չպահանջեն, Ընկերութիւնը իւրաքանչիւր համաժողովի քաղաքին մէջ գտնուող տեղական Իջեւանի Գրասենեակին ընդունելի սակերու մասին ուղղութիւններ կու տայ։ Այն բոլոր պանդոկները որոնք կը համագործակցին սակերուն շուրջ եղած այս համաձայնութեան հետ, Յանձնարարուած Իջեւանի Ցանկին վրայ կը դրուին, որմէ օրինակ մը իւրաքանչիւր ժողովքի կը ղրկուի։ Սակայն, պիտի նկատէք թէ տարի մը ցանկին վրայ եղող պանդոկներ, յաջորդ տարի կրնան չըլլալ։ Ասիկա սովորաբար կը պատահի հետեւեալ երեք պատճառներէն մէկուն համար. (1) Պանդոկի անձնակազմը որոշած կ’ըլլայ որ Ընկերութեան կողմէ ընդունելի սակեր պիտի չհայթայթէ։ (2) Իջեւանի Գրասենեակը ընտրած է տարբեր պանդոկ մը, սակի կամ վայրի պատճառներով։ (3) Պանդոկը մաքրութեան եւ/կամ ապահովութեան մարզերուն մէջ այլեւս Ընկերութեան չափանիշները չի գոհացներ։

⁴ Ընկերութիւնը կը փափաքի շարունակել մեր համաժողովները գումարել համաժողովի յարմար քաղաքներու մէջ։ Քանի որ Ընկերութիւնը եւ տեղական Իջեւանի Գրասենեակը ձեր մնայուն շահերը ի մտի ունին, ամէն տարի ձեզմէ կը խնդրենք որ ձեր վերապահումները ընէք մի՛միայն այն պանդոկներուն մէջ, որոնք ներկայիս Դիտարանի Համաժողովին հետ կը համագործակցին։ Յունուարի առաջին շաբաթը, արդէն իսկ ձեր ժողովքը ստացած պիտի ըլլայ ձեր համաժողովին համար Յանձնարարուած Իջեւանի Ցանկը։ Երբ ձեր վերապահումները կ’ընէք, այս յաւելուածականին «Իջեւանի Վերապահումները Ընելու Համար Առնուելիք Քայլեր» խորագրով շրջագծին մէջ յիշուած հրահանգներուն ուշադրութեամբ հետեւեցէք։ Հրդեհի եւ ապահովութեան օրէնքներուն պատճառաւ, պէտք է ծրագրէք որ առաւելագոյնը չորս անհատներ ըլլան իւրաքանչիւր սենեակի մէջ։ Եթէ որոշ պանդոկ մը մէկ սենեակի մէջ չորս անհատներէ աւելի կը թոյլատրէ, ասիկա յստակօրէն պիտի յիշուի Յանձնարարուած Իջեւանի Ցանկին մէջ, «Չափահասներ» ենթագլուխին ներքեւ։

⁵ Ձեր ժողովքի քարտուղարին տեղեակ պահելէ առաջ թէ մատչելի սենեակներ չկան, վստահ եղէք որ Յանձնարարուած Իջեւանի Ցանկին մէջ գտնուող բոլոր պանդոկներուն հեռաձայնած էք։ Ան ցանկին վերը յիշուած հասցէն կամ հեռաձայնի թիւը գործածելով, Իջեւանի Գրասենեակին հետ կապ պիտի պահէ եւ պարագան բացատրէ անոնց։ Բարեճշդուած ցանկ մը պիտի ղրկուի ձեր ժողովքին։ Փոխանակ ցանկին վրայ չեղող պանդոկներէն վերապահումներ ընելու, հաճեցէք նոր ցանկը սպասել։ Ձեր վերապահումը ընելէ ետք, հաճեցէք զայն չփոխել։ Ցանկին վրայ յաւելեալ պանդոկներ կ’աւելնան, ոչ թէ արդէն վերապահումներ ունեցողներուն յաւելեալ ընտրութիւն մը տալու համար, այլ՝ որովհետեւ կան եղբայրներ ու քոյրեր որոնք տակաւին սենեակներու կարիքը ունին։ Այս ուղղութեան հետեւիլը, մեր Քրիստոնեայ եղբայրներուն հանդէպ սէր ցուցաբերելու եւ աշխարհի մէջ տիրական եղող «առաջ ես»ի կեցուածքէն խուսափելու պատեհութիւն կու տայ մեզի։—Ա. Կորն. 10։24

⁶ Պանդոկներուն Կանխավճարներ Ղրկել եւ Պանդոկի Մէջ Ծագած Խնդիրները Ձեռք Առնել. Սենեակի մը վերապահումը երաշխաւորելու համար, իւրաքանչիւր ապահովուած սենեակի համար մէկ գիշերուան կանխավճար պէտք է տրուի, վերապահումը ընելէն ետք տասը օրուան միջոցին։ Առանց կանխավճարի, պանդոկը իրաւունք ունի ձեր սենեակը ուրիշի մը տալու։ Համաժողովէն առաջ կամ վերջ եթէ որեւէ դժուարութեան հանդիպիք, կրնաք Իջեւանի Գրասենեակին գրել կամ հեռաձայնել, գործածելով Յանձնարարուած Իջեւանի Ցանկին վերը յիշուած հասցէն կամ հեռաձայնի թիւը։ Եթէ խնդիր մը ծագի համաժողովի միջոցին, պէտք է կարելի եղածին չափ շուտով համաժողովի Իջեւանի Գրասենեակը երթաք, որպէսզի եղբայրները կարենան ձեզի օգնել, պանդոկը ձգելէ առաջ։

⁷ Մասնայատուկ Կարիքներ Ունեցողներուն Հոգատարութիւնը. Տարեցներ, ֆիզիքապէս անկարողներ, լման ժամանակով ծառայողներ կամ ուրիշներ, համաժողովին ներկայ գտնուելու համար թերեւս աջակցութեան կարիքը ունին։ Ազգականներ, երէցներ ու ժողովքին մէջ ուրիշներ, որոնք տեղեակ են մասնայատուկ կարիքներ ունեցող այս անհատներու յատուկ պարագաներէն, կրնան յօժար սրտով հարկ եղած կարգադրութիւնները ընել։ Ընտանիքին եւ ժողովքին պատասխանատուութիւնը պէտք չէ համաժողովը կազմակերպողներուն ուսին դնել։ (Ա. Տիմ. 5։4) Ընկերութեան՝ Մասնայատուկ Կարիքներու Համար Իջեւանի Խնդրագիրը, կը յիշէ թէ ի՛նչ պայմաններ պէտք է լեցուին այս խնդրագիրը ներկայացնելու համար։ Ժողովքի Ծառայութեան Յանձնախումբը պէտք է դիմումնագիր ներկայացնող իւրաքանչիւր անհատի որակումները աչքէ անցընէ, այս խնդրագիրը Իջեւանի Գրասենեակին ղրկելէ առաջ։ Ժողովքի քարտուղարը խնդրագրին վրայ պէտք է իր հեռաձայնի թիւը դնէ, որպէսզի Իջեւանի Գրասենեակը իր հետ կապ պահէ եթէ որեւէ հարցում ծագի։ Ընդունուած խնդրագիրները պէտք է պատճենին ետեւը յիշուած համաժողովի հասցէին ղրկուին։

⁸ Ուրիշ Համաժողովի մը Երթալ. Եթէ Յանձնարարուած Իջեւանի Ցանկ մը, կամ տարբեր համաժողովի մը մասին տեղեկութիւն կ’ուզէք, ժողովքի քարտուղարը կրնայ ձեզի տալ համաժողովի կեդրոնատեղիին հասցէն, որ Մասնայատուկ Կարիքներու Համար Իջեւանի Խնդրագրի պատճենին ետեւի կողմը կը գտնուի։ Ձեր խնդրանքին հետ միշտ պարփակեցէք նամակադրոշմ մը ու ձեր անձնական հասցէն կրող նամակի պահարան մը։ Եթէ այդ քաղաքին մէջ մէկէ աւելի համաժողովներ կան, չմոռնաք ձեր յաճախելիք համաժողովին թուականները յիշելու։

⁹ Պանդոկի Անձնակազմեր Ի՞նչ կը Խորհին Եհովայի Վկաներու Մասին. Եհովայի ժողովուրդին լաւ վարքին մասին խօսելէ ետք, Միտուէսթի պանդոկներէն մէկուն ընդհանուր տնօրէնը ըսաւ. «Երբ տեսնեմ որ Եհովայի Վկաները Հինգշաբթի օր պանդոկ կը մտնեն, ես պանդոկէն ‘կը բացակայիմ’ մինչեւ Երկուշաբթի առաւօտ։ Գիտեմ որ եթէ որեւէ խնդիր ծագի, ան աննշան պիտի ըլլայ։ Միշտ հաճելի է ձեզի հոս տեսնել»։ Պանդոկի մը վաճառորդուհին բացագանչեց. «Հոյակա՛պ խումբ մըն են։ Բոլորն ալ անդադար ‘Շնորհակալ եմ’ կ’ըսեն»։ Հպարտ չէ՞ք զգար երբ լսէք թէ մեր եղբայրներուն մասին այս կերպով կը խօսուի։ Երեւակայեցէք որ Եհովա Աստուած ո՜րքան ուրախ կ’ըլլայ, երբ տեսնէ որ մեր վարմունքով իր անուան փառաբանութիւն կը բերենք։

¹⁰ Եզրափակութիւն. Մինչ ձեր նահանգային համաժողովի թուականը կը մօտենայ, Եհովային առջեւ աղօթքի նիւթ դարձուցէք որ երեք օրերուն բոլոր նիստերուն ալ կարենաք ներկայ գտնուիլ եւ յայտագրէն լաւագոյնս օգտուիլ։ Արդէն իսկ ձեր ծրագրած համաժողովին ներկայ գտնուելու համար, ձեր գործատիրոջմէն երեք օր արձակուրդ խնդրա՞ծ էք։ Եթէ ոչ, ասիկա ըրէք կարելի եղածին չափ շուտ։ Վերջին վայրկեանին գործէն արձակուրդ խնդրելը սովորաբար ընդունելի չէ։ «Հաւատարիմ ու իմաստուն ծառան» այս տարուան «Աստուծոյ Խօսքը Ուսուցանողներ» բնաբանով Նահանգային Համաժողովը ծրագրած է մեր հոգեւոր դաստիարակութեան եւ մեր հաւատքը կերտելու համար։ Ուստի, սկսեցէք հիմա՛ ձեր ծրագիրները ընել որ ներկայ գտնուիք, հետեւելով սաղմոսերգուին յորդորին. «Ժողովուրդներուն մէջ Աստուած օրհնեցէ՛ք»։—Սաղմ. 68։26

[Նկար՝ էջ 3]

Յայտագրի Ժամանակները

Ուրբաթ եւ Շաբաթ

կ.ա. 9։30 – կ.ե. 5։00

Կիրակի

կ.ա. 9։30 – կ.ե. 4։00

[Նկար՝ էջ 4]

Իջեւանի Վերապահումները Ընելու Համար Առնուելիք Քայլեր

1. Պանդոկներուն հեռաձայնեցէք գործի սովորական ժամերուն (եթէ կարելի է՝ Յունուարին)։ Յանձնարարուած Իջեւանի Ցանկին մէջ յիշուած պանդոկներու հեռաձայնի թիւերը գործածեցէք։

2. Պանդոկին տեղեկացուցէք որ դուք Եհովայի Վկայ մըն էք, որ Դիտարանի համաժողովին ներկայ պիտի ըլլաք։

3. Պանդոկին մէջ ձեր կեցութեան թուականները տուէք։

4. Վստահ եղէք որ Յանձնարարուած Իջեւանի Ցանկին վրայ եղած սակը պիտի վճարէք։ Մերժեցէք աւելի բարձր սակ մը։

5. Եթէ մատչելի սենեակներ չկան, ցանկին վրայ յիշուած ուրիշ պանդոկի մը հեռաձայնեցէք։

6. Ձեր վերապահումները ըրէք եւ զայն վաւերացնող թիւ մը խնդրեցէք։

7. Ձեր կանխավճարը վարկաքարտով, դրամատոմսով կամ վճարագրով ըրէք։ Հաճեցէք թղթադրամ ՉՈՒՂԱՐԿԵԼ։ Եթէ ձեր կանխավճարը ընէք

Վարկաքարտով. Պանդոկին պատուիրեցէք որ ձեր կանխավճարը անմիջապէս գանձէ վարկաքարտէն։

Դրամատոմսով կամ վճարագրով. Վաւերացնող թիւը վրան գրեցէք եւ տասը օրուան մէջ թղթատարութեամբ զայն ուղարկեցէք։

Հաճեցէք Նաեւ Նկատի Առնել.

◼ Միայն Յանձնարարուած Իջեւանի Ցանկին մէջ յիշուած պանդոկներուն մէջ իջեւանեցէք։

◼ Միայն ձեր եւ ձեր հետ մասնայատուկ կարգադրութիւններ ընող անհատներուն համար սենեակ/սենեակներ վերապահեցէք։

◼ Ձեր սկիզբի վերապահումը պահեցէք։