Աստուածաշունչը—Մարդկութեան Ամենահին եւ Այժմէական Գիրքը Պատկերիզին Հանդէպ Գնահատութիւն Կերտել

Հետեւեալ հարցումները ուշագրաւ կը դարձնեն կարգ մը կէտեր, զորս թերեւս նկատի առիք երբ այս պատկերիզը դիտեցիք. (1) Ո՞ր իրողութիւնները Աստուածաշունչը կը բնորոշեն որպէս անզուգական գիրք մը։ (2) Օրինակ մը տուէք թէ Աստուածաշունչը, վաղեմի գիրք մը ըլլալով հանդերձ, արդի գիտութեան հետ ի՛նչպէս կը համաձայնի։ (3) Ի՞նչպէս կրնանք վստահ ըլլալ որ ներկայ Աստուածաշունչը սկզբնական գրութիւններէն տարբեր չէ։ (4) Աստուածաշունչի վաղեմի ձեռագիրներուն բնագրային աչքառու մէկ երեսակը ի՞նչ է, եւ ասիկա ձեր մէջ ի՛նչ վստահութիւն կը ներշնչէ։ (5) Ճոն Ուիքլիֆ, Եոհաննէս Կիւթէնպէրկ, Ուիլիըմ Թինտէյլ, Մէրի Ճոնզ եւ Չարլզ Թէյզ Ռասըլ ի՞նչ կերպերով նպաստեցին Աստուծոյ Խօսքը համայն աշխարհի մէջ տարածուելուն։ (6) Եկեղեցին ի՞նչպէս կատաղիօրէն հակառակեցաւ Աստուածաշունչին, սակայն ի՛նչ բան կարելի դարձուց որ անիկա մինչեւ այսօր վերապրի։ (7) Եհովայի կազմակերպութիւնը ո՞ր տարողութեամբ Աստուածաշունչեր թարգմանած եւ արտադրած է։ (8) Աստուածաշունչի գործնական խրատները ի՞նչպէս մարդոց օգնած են, որ գլուխ ելլեն՝ բախտախաղի մոլութեան (Ա. Տիմ. 6։9, 10), ամուսնական բաժանումի եւ անհաւատարմութեան (Ա. Կորն. 13։4, 5. Եփ. 5։28-33), եւ նիւթական հարստութեամբ մտազբաղ ըլլալուն հետ (Մատթ. 16։26)։ (9) Ի՞նչ ապացոյց կայ թէ սուրբ գրային սկզբունքները կիրարկելը կրնայ աշխարհի մէջ գոյութիւն ունեցող ազգային, ազգատոհմային եւ ցեղային ատելութիւնը յաղթահարել։ (10) Աստուածաշունչի պարունակութիւնը գիտնալը ի՞նչ կերպերով աւելի ուրախութիւն պատճառած է ձեզի։ (11) Որո՞նք կը խորհիք կրնան օգտուիլ այս պատկերիզէն, եւ զայն ի՛նչպէս պիտի ներկայացնէք անոնց։