Մաս 1. Աստուածաշունչի Յառաջդիմական Ուսումնասիրութիւններ Վարենք
Աստուածաշունչի Ուսումնասիրութիւնը Ի՞նչ Է
1 Համայն աշխարհի մէջ, Աստուծոյ ժողովուրդը ամէն ամիս շուրջ վեց միլիոն Աստուածաշունչի ուսումնասիրութիւններ կը վարէ։ Ուսուցումի լաւ մեթոտներ գործածելով, այս Աստուածաշունչի աշակերտներուն կրնանք օգնել որ յառաջդիմեն դէպի նուիրում ու մկրտութիւն եւ «կարող ըլլան ուրիշներուն սորվեցնել»։ (Բ. Տիմ. 2։2) Կը փափաքի՞ս աշակերտիդ օգնել որ այս յառաջդիմութիւնը արձանագրէ։ Այս թիւէն սկսեալ, Մեր Թագաւորութեան Ծառայութիւնը թերթիկը պիտի ներկայացնէ յօդուածաշարք մը, որ պիտի բացատրէ Աստուածաշունչի յառաջդիմական ուսումնասիրութիւններ վարելու հիմնական երեսակները։
2 Աստուածաշունչի Ուսումնասիրութիւնը Ե՛րբ Տեղեկագրել. Եթէ կանոնաւորաբար ու հետեւողական կերպով աստուածաշնչական զրոյցներ ունենաս, թէեւ հակիրճ, գործածելով Աստուածաշունչը եւ յանձնարարուած գրականութիւններէն մէկը, ուրեմն Աստուածաշունչի ուսումնասիրութիւն մը կը վարես, նոյնիսկ եթէ ուսումնասիրութիւնը տեղի ունենայ դրան առջեւ կամ հեռաձայնով։ Ուսումնասիրութիւնը կարելի է տեղեկագրել, եթէ ուսումնասիրութեան կարգադրութիւնը ցուցադրելէ ետք երկու անգամ վարուի ու կը թուի թէ պիտի շարունակուի։
3 Ի՛նչ կը Պահանջէ գրքոյկը եւ Գիտութիւն գիրքը կը գործածուին բազմաթիւ Աստուածաշունչի ուսումնասիրութիւններ վարելու համար։ Զանոնք ամբողջացնելէ ետք, եթէ բացայայտ է որ անհատը կը յառաջդիմէ, նոյնիսկ դանդաղօրէն, եւ իր սորվածները կը գնահատէ, կարելի է ուսումնասիրութիւնը շարունակել՝ գործածելով Աստուած Պաշտեցէք գիրքը։ Աստուծոյ Բարեկամը Կրնա՛ք Ըլլալ գրքոյկը կրնայ գործածուիլ ուսումնասիրելու համար անհատներու հետ, որոնք սահմանափակ ուսում կամ կարդալու կարողութիւն ունին։
4 Աստուածաշունչի ուսումնասիրութեան գործը միլիոնաւորներու ազդուօրէն օգնած է որ Յիսուս Քրիստոսի ճշմարիտ աշակերտներ ըլլան։ (Մատթ. 28։19, 20) Այս յօդուածաշարքին յաջորդ նիւթերուն մէջ ներկայացուած թելադրութիւնները կիրարկելով, կրնաս Աստուածաշունչի յառաջդիմական ուսումնասիրութիւն մը վարել։