Յայտաթերթիկները կը գործածե՞ս
Օր մը 11 տարեկան տղայ մը յայտաթերթիկ մը գտաւ, որ դժոխքի նիւթին շուրջ հանրային բանախօսութիւն մը կը ծանուցանէր։ Հետագային ան բացատրեց. «Ասիկա հետաքրքրութիւնս արթնցուց, քանի որ միշտ սխալ բաներ կ’ընէի եւ բոցավառ դժոխք երթալը զիս շատ կը մտահոգէր»։ Ան դասախօսութիւնը մտիկ ըրաւ, Աստուածաշունչի ուսումնասիրութեան նիստեր ունեցաւ, եւ շուրջ մէկ տարի ետք՝ մկրտուեցաւ։ Այսպէս սկսաւ Գարլ Գլայնի քրիստոնէական ասպարէզը, որ հետագային երկար տարիներ ծառայեց որպէս Եհովայի Վկաներու Կառավարիչ Մարմինի մէկ անդամը։ Այս բոլորին սկիզբ տուաւ յայտաթերթիկ մը։
Յայտաթերթիկները կը շարունակեն վկայութեան ազդու գործիք մը ըլլալ։ Բազմաթիւ հրատարակիչներ իրենք զիրենք կը ներկայացնեն ու խօսակցութիւններ կը սկսին, անհատին յայտաթերթիկ մը տալով։ Ծնողները կրնան իրենց զաւակները մարզել որ ծառայութեան մասնակցին, տանտիրոջ յայտաթերթիկ մը ներկայացնելով։ Նամակով վկայող հրատարակիչները կրնան անհատները ժողովներուն հրաւիրել, յայտաթերթիկ մը ներփակելով։ Անշուշտ յայտաթերթիկները յարմար միջոց մըն են, որ Աստուածաշունչի աշակերտները եւ այլ հետաքրքրուած անհատներ մեր ժողովներուն հրաւիրենք։
Ծառայութեանդ մէջ յայտաթերթիկները կ’օգտագործե՞ս։