«Անհատը հետաքրքրող հին պարբերաթերթ մը կամ գրքոյկ մը ներկայացնել»
Այն ամիսներուն ընթացքին, երբ առաջին հանդիպումին կ’առաջարկենք Աստուածաշունչը կը սորվեցնէ գիրքը եւ ուսումնասիրութիւն մը, եթէ տանտէրը արդէն գիրքը ունի եւ Աստուածաշունչի ուսումնասիրութեան առաջարկը չ’ընդունիր, քաջալերութիւն կը տրուի մեզի՝ «անհատը հետաքրքրող հին պարբերաթերթ մը կամ գրքոյկ մը ներկայացնել»։ Ինչո՞ւ։
Գրքոյկներ եւ հին պարբերաթերթեր նկատի կ’առնեն զանազան ժամանակայարմար նիւթեր։ Այդ հրատարակութիւններէն կէտ մը կրնայ տանտիրոջ սրտին հասնիլ։ Հետեւաբար, երբ ծառայութեան պայուսակդ կը պատրաստես, կարգ մը գրքոյկներ եւ հին պարբերաթերթեր ալ ներփակէ։ Եթէ հին պարբերաթերթեր չունիս, թերեւս կրնաս պարբերաթերթերուն հոգ տանող եղբօրմէ որոշ թիւեր ձեռք ձգել։ Ապա, եթէ տանտէրը արդէն ունի Աստուածաշունչը կը սորվեցնէ գիրքը եւ Աստուածաշունչի ուսումնասիրութիւն չ’ընդունիր, կրնաս ցոյց տալ պարբերաթերթերը կամ գրքոյկները, եւ թոյլ տալ որ ընտրէ ինչ որ զինք կը հետաքրքրէ։ Անկէ ետք, վերայցելութեան համար կարգադրութիւններ ըրէ, որպէսզի անհատին հետաքրքրութիւնը մշակես։ Թերեւս ի վերջոյ Աստուածաշունչի ուսումնասիրութիւն մը հաստատուի։