Մեր պաշտօնական ցանցակայքը գործածէ՝ ծառայութեանդ մէջ
Մարդիկը քաջալերէ որ ցանցակայքը գործածեն։ Կարգ մը անձեր, որոնք կը վարանին մեզի հետ խօսելու կամ հրատարակութիւն ընդունելու, ազատ կը զգան jw.org–էն Եհովայի վկաներուն մասին գիտնալու, երբ իրենց տան մէջ առանձին են։ Ուստի ամէն պատշաճ առիթով, մեր ցանցակայքը ծանուցանէ։
Կրնաս որոշ հարցումներու պատասխանել։ Երբեմն թերեւս տանտէր մը, հետաքրքրուած անհատ մը կամ ճանչուոր մը հարցում մը ուղղէ Եհովայի վկաներուն կամ իրենց հաւատալիքներուն մասին։ Տեղւոյն վրայ բջիջային հեռաձայնդ կամ համակարգիչդ գործածելով՝ պատասխանը ցոյց տուր անոր։ Յաճախ, նախընտրելի է որ նշուած համարները ուղղակի Աստուածաշունչէ՛ն կարդանք։ Եթէ համացանցը քեզի մատչելի չէ, անհատին բացատրէ թէ ինչպէ՛ս կրնայ jw.org–ը գործածել, պատասխանը անձամբ գտնելու համար։ Ընտրէ՛ «Աստուածաշնչական ուսուցումներ/Աստուածաշունչին պատասխանները» կամ «Մեր մասին/Յաճախ ուղղուած հարցումներ»։
Կրնաս յօդուած մը կամ հրատարակութիւն մը ղրկել քեզի ծանօթ անհատի մը։ Կրնաս ել–մակով ղրկել PDF մը կամ EPUB մը, զոր բեռնած ես։ Կամ՝ կրնաս հրատարակութեան մը ձայնագրութիւնը բեռնել եւ խտասկաւառակի մը վրայ արձանագրել։ Ամէն անգամ որ չմկրտուած անհատի մը կու տաս ելեկտրոնական լմա՛ն գիրք մը, գրքոյկ մը կամ պարբերաթերթ մը, զայն կրնաս տեղաւորում հաշուել։ Նիւթերը պէտք չէ ղրկել մեծ քանակով կամ առանց մեր անունը յիշելու։ Նաեւ զանոնք պէտք չէ տեղադրել որեւէ ա՛յլ ցանցակայքի մը մէջ։ Ընտրէ՛ «Հրատարակութիւններ»։
Կրնաս Եհովայի վկաներուն մասին վերջին լուրերը ցոյց տալ։ Ասիկա պիտի օգնէ Աստուածաշունչի ուսումնասիրութիւններուդ կամ անոնց, որոնց կ’այցելես, որպէսզի գնահատութիւն զարգացնեն մեր համաշխարհային գործունէութեան ու մեր քրիստոնէական միութեան նկատմամբ (Սաղ. 133։1)։ Ընտրէ՛ «Լուրեր»։
[Գծապատկեր՝ էջ 5]
(Լման շարադրանքին համար՝ տե՛ս հրատարակութիւնը)
Փորձէ՛
1 «Հրատարակութիւններ» բաժինին ներքեւ գտիր այն նիւթը, որ կ’ուզես բեռնել եւ կտտացուր գրութեան (EPUB/PDF) կամ ձայնագրութեան (MP3/AAC) կոճակը որ զայն բեռնես։
2 MP3 կոճակը կտտացուր, որպէսզի հրատարակութեան յօդուածներուն ցանկը երեւնայ։ Կտտացուր ընտրած յօդուածիդ վերնագիրը զայն բեռնելու համար, կամ կտտացուր ▸ զայն առցանց լսելու համար։
3 Այս ցանկէն ուրիշ լեզու մը ընտրէ, եթէ կ’ուզես այդ լեզուով հրատարակութիւն մը բեռնել։