Ծառայութեան մէջ մեր կայքը գործածէ. «Աստուածաշունչին պատասխանները»
Մեր կայքին «Աստուածաշնչական ուսուցումներ» բաժինը ունի երեսակ մը՝ «Աստուածաշունչին պատասխանները» խորագրով։ Եթէ յաճախ ուղղուած այս հարցումներուն ընտելանանք, կրնանք տանտէրերը ուղղել մեր կայքին, որպէսզի Աստուածաշունչին պատասխանները առնեն։ Այս հարցումները կրնան նաեւ գործածուիլ՝ ծառայութեան ընթացքին զրոյցներ սկսելու համար։ Կրնանք ընտրել հարցում մը, որ թաղամասի մարդիկը կը հետաքրքրէ, տանտիրոջ կարծիքը առնել եւ ապա իրեն ըսել, թէ Աստուածաշունչը ի՛նչ կ’ըսէ այդ հարցին շուրջ, jw.org կայքէն պատճառաբանելով։ Անկէ ետք, կրնանք իրեն բացատրել կամ ցոյց տալ թէ մեր տեղեկութիւնները ուրկէ՛ գտանք։ Ուրիշ կերպ մըն է իրեն թոյլ տալ, որ պատասխանը ուղղակի կայքէն կարդայ։ Շրջագայող տեսուչի մը կինը յաջողութիւն ձեռք ձգած է՝ ըսելով. «Շատեր կը մտածեն. ‘Աստուա՞ծ տառապանք կը պատճառէ’»։ Կը փափաքի՞ք պատասխանը միայն 51 երկվայրկեանի մէջ գիտնալ։ Ապա կ’աշխատցնէ պատասխանին ձայնագրութիւնը, որ իր հեռախօսիկին մէջ բեռնած է։ Խօսակցութիւնը կ’եզրափակէ Աստուածաշունչը կը սորվեցնէ գրքին 11–րդ գլուխը ներկայացնելով։