Մեր պաշտօնական ցանցակայքը գործածէ՝ օտարալեզու անհատի մը օգնելու համար

Ցոյց տուր իրեն մեր ցանցակայքը։ Ցոյց տուր թէ ինչպէ՛ս կրնայ «Ցանցակայքի լեզու» ցանկը գործածել, ցանցակայքը իր լեզուով տեսնելու համար։ (Կարգ մը լեզուներ այս ցանցակայքէն միայն մաս մը ունին, ներառեալ մեր լեզուն՝ արեւմտահայերէնը)։

Ցոյց տուր կայքէջ մը իր լեզուով։ Ցոյց տուր էջ մը մեր հրատարակութիւններէն, ինչպէս՝ Աստուածաշունչը կը սորվեցնէ գիրքէն կամ Ճշմարտութիւնը գիտնալ թերթիկէն։ Տանտիրոջ լեզուն ընտրէ՛ «Կարդալ» ցանկէն։

Թոյլ տուր որ յօդուած մը ունկնդրէ։ Յօդուած մը գտիր, որ իր լեզուով ձայնագրուած է եւ զայն բաց որ մտիկ ընէ։ Եթէ ա՛յլ լեզու մը կը սորվիս, կրնաս կարողութիւնդ բարելաւել, երբ այդ լեզուով ձայնագրութիւն մը լսես մինչ յօդուած մը կը կարդաս։ Ընտրէ՛ «Հրատարակութիւններ/Գիրքեր եւ գրքոյկներ» կամ «Հրատարակութիւններ/Պարբերաթերթեր»։

Վկայէ՛ համրերուն։ Եթէ համր անհատի մը հանդիպիս, նշանային լեզուով վիտէօ մը դիտել տուր իրեն,– գլուխ մը՝ Աստուածաշունչէն, գիրքէ, գրքոյկէ կամ թերթիկէ։ Ընտրէ՛ «Հրատարակութիւններ/Նշանային լեզու»։

[Գծապատկեր՝ էջ 6]

(Լման շարադրանքին համար՝ տե՛ս հրատարակութիւնը)

Փորձէ՛

1 Կտտացուր ▸ որպէսզի ընտրած ձայնագրութիւնդ լսես (եթէ քու լեզուովդ մատչելի է), կամ կտտացուր «Բեռնելու ընտրութիւն»ի կոճակներէն մէկը՝ հրատարակութիւնը բեռնելու համար։

2 «Կարդալ» ցանկէն ուրիշ լեզու մը ընտրէ, որպէսզի այս էջը այդ լեզուով ցոյց տաս։

3 «Յաջորդ»ը կամ «Բովանդակութեան ցանկ»–էն կապ մը կտտացուր, ուրիշ յօդուած մը կամ գլուխ մը կարդալու համար։