Նախանձախնդրաբար մէկզմէկ քաջալերեցէք բարի գործերու
Եբրայեցիս 10։24–ը մեզ կը քաջալերէ որ «իրարու հոգ տանինք՝ սիրոյ եւ բարեգործութեան մղելով»։ Կրնանք մեր եղբայրները քաջալերել մեր օրինակով եւ հաւատք կերտող արտայայտութիւններով։ Ժողովքին մէջ ուրիշներուն հետ բաժնէ լաւ փորձառութիւններդ։ Թող որ տեսնեն ուրախութիւնդ որ Եհովային ծառայելէն յառաջ կու գայ։ Միեւնոյն ատեն, զիրենք մի՛ բաղդատեր քեզի կամ ուրիշներուն հետ (Գաղ. 6։4)։ Ջանա՛ առանձնայատկութիւններդ գործածել ուրիշները քաջալերելու «սիրոյ եւ բարեգործութեան», եւ ոչ թէ յանցաւոր զգալու եւ բարեգործութեան (տե՛ս Ծառայութեան դպրոց գիրքը, էջ 158, պարբ. 4)։ Եթէ եղբայրները սիրոյ մղենք, զիրենք քաջալերած պիտի ըլլանք որ ուրիշներուն բարիք ընեն եւ քարոզեն (Բ. Կոր. 1։23բ)։