Ի՞նչ կրնաս ընել որ ուրախ ըլլաս դժուար ժամանակներուն. Աստուածաշունչը ի՞նչ կ’ըսէ

Այս դժուար ժամանակներուն, թերեւս զգանք որ մեզի հետ պատահած բաները մեր ձեռքը չեն։ Բայց մեր ուրախութիւնը ընդհանրապէս կախեալ է մեզմէ՛, մեր կեցուածքէն եւ ոչ թէ՝ մեր պարագաներէն։ Աստուածաշունչը կ’ըսէ որ «ուրախ սիրտ ունեցողը միշտ խնճոյքի մէջ է»՝ ինչ դժուար պարագայ ալ ունենայ (Առակաց 15։15, ՆԱ)։ Լաւ ի՞նչ կրնանք ընել որ աւելի ուրախ ըլլանք։ Նկատի առ թէ Աստուածաշունչին տուած խրատները ինչպէ՞ս կրնան քեզի օգնել։

Մտահոգութեան հետ գլուխ ել

Աստուածաշունչը կ’ըսէ. «Մարդուն սրտին մէջ եղող վիշտը զանիկա կը ճնշէ, բայց աղէկ խօսքը կ’ուրախացնէ զանիկա» (Առակաց 12։25)։

• Աստուածաշունչը կրնայ քեզի օգնել որ չափէ դուրս չմտահոգուիս։ Գիտնալու համար թէ ասիկա ինչպէ՞ս կարելի է, կարդա՛ «Աստուածաշունչը ի՞նչ կ’ըսէ մտահոգութեան մասին» յօդուածը (արաբ.)։

Մենակութեան դէմ պայքարէ

Աստուածաշունչը կ’ըսէ. «Իսկական բարեկամը ամէն ատեն կը սիրէ ու եղբայր է՝ նեղութեան ատենուան համար ծնած» (Առակաց 17։17, ՆԱ)։

• Աստուածաշունչին մէջ կրնաս գտնել խրատներ, որոնք քեզի պիտի օգնեն որ բարեկամութիւններդ զօրացնելով՝ մինակ չզգաս։ Կարդա՛ «Մինակ չզգալու համար՝ դուն քեզ ընկերներով շրջապատէ. Աստուածաշունչը ինչպէ՞ս կրնայ օգնել» յօդուածը։

Աստուած եւ ընկերդ սիրէ

Աստուածաշունչը կ’ըսէ. «Քու Տէր Աստուածդ սիրես քու բոլոր սրտովդ եւ քու բոլոր անձովդ ու քու բոլոր մտքովդ։... ‘Քու ընկերդ սիրես քու անձիդ պէս’» (Մատթէոս 22։37-39)a։

• Աղօթելը կրնայ մեզի օգնել որ Աստուած աւելի սիրենք։ Աւելին գիտնալու համար, կարդա՛ «Աստուած մեր աղօթքները կը լսէ՞» յօդուածը (արաբ.)։

• Ուրիշներուն ցոյց կու տանք որ զիրենք կը սիրենք, երբ կը հետեւինք Ոսկի կանոնին։ Աւելին գիտնալու համար, կարդա՛ «Ի՞նչ է Ոսկի կանոնը» յօդուածը (արաբ.)։

Եթէ կ’ուզես աւելին գիտնալ, թէ Աստուածաշունչը ինչպէ՛ս կրնայ քեզի օգնել, որ դժուար ժամանակներուն ուրախ ըլլաս։ Այդ պարագային, կրնաս փորձել Սուրբ Գիրքի մեր ձրի դասընթացքը։