MATTOLAY NGA CRISTIANO
Pakastan i Abilidad Tam ta Ministerio—Addetan i Futu Gukaban na “Mattalupaddian ta Ayâ na Dios”
NU NGATTA IMPORTANTE: Mawag tu gigiammuan anna tuttulan na totolay i estandarte ira ni Jehova tapenu alawatanna i paddayarayawda sa. (Isa 2:3, 4) Uffunan na libru nga “Ayâ na Dios,” nga mekadua ta magigiammu nga libru tam, i estudiante ira ta Biblia nga malippawa nu kunnasi makafekto i makadios ira nga prinsipio ta inaggaw nga pattolay. (Heb 5:14) Mawag tu mappursigi ittam nga addetan i futu nu tudduattam ira tapenu mabbalin tu fustu i motiboda ta panguli.—Ro 6:17.
NU KUNNASI NGA KUAN:
Mapprepara tu mapia, nga sigganono i kawagan na estudiantem. Mangiprepara tu pakkiavu ira nga makoffun nikaw nga mammuan i ginnonopan anna panagenona ta giggigiammuannu.—Pr 20:5; be-TG 259
Usan i kahon ira ta interu libru tapenu masingan na estudiantem i importansia na pangiyaplika ta prinsipio ira na Biblia
Uffunan i estudiantem nga marrason ta ganna-gannug nga nakadepende ta konsensia, ngem ari ka maddesision para sa.—Gal 6:5
Mataktika nga ammuan nu kawagan na estudiantem i uffun ta pangiyaplika ta karuan ira nga prinsipio na Biblia. Pagaramman yaya nga manguli megafu ta ayana kani Jehova.—Pr 27:11; Jn 14:31