Abụ Mgbago.
121 M lere anya n’ugwu dị iche iche,+ sị:
Olee onye ga-enyere m aka?
2 Ọ bụ Jehova, Onye kere eluigwe na ụwa,
Ga-enyere m aka.+
3 E nweghị mgbe ọ ga-ekwe ka ụkwụ gị mịchapụ.+
E nweghị mgbe ụra ga-atụ Onye na-eche gị nche.
4 Lee, ụra agaghị atụ Onye na-eche Izrel nche,+
Ọ gaghịkwa ehi ụra.
5 Jehova na-eche gị nche.
Jehova bụ ndò gị,+ ọ nọkwa n’aka nri gị.+
6 Anwụ agaghị achagbu gị n’ehihie,+
Ọnwa agaghịkwa eme gị ihe ọ bụla n’abalị.+
7 Jehova ga-eche gị nche ka ihe ọ bụla ghara ime gị.+
Ọ ga-eche gị nche.+
8 Jehova ga-eche gị nche n’ihe niile ị na-eme
Malite ugbu a ruo mgbe ebighị ebi.