Ihe A Ga-ekwu Banyere Magazin Ndị Ahụ

Ụlọ Nche Mar. 15

“Ì kwetara na ịchịisi ezi omume ga-eme ka ụwa a bụrụ ebe ka mma obibi? [Nye ohere maka nzaghachi.] Biko rịba ama ihe Bible na-ekwe nkwa ya. [Gụọ Abụ Ọma 37:11.] Anyị pụrụ inwe udo dị otú ahụ, bụ́ nke ga-adị n’okpuru Onye Ndú zuru okè bụ́ onye a kọwara n’isiokwu ndị a.”

Ụlọ Nche Apr. 1

“Ka m gosi gị otu echiche na-enye obi ụtọ sitere na Bible. [Gụọ Matiu 22:37.] Gịnị ka i chere nke ahụ pụtara? [Nye ohere maka nzaghachi.] Lee isiokwu a bụ́ ‘Jiri Obi na Uche Gị Na-achọ Chineke.’ Ezi okwukwe ọ̀ bụ nanị ihe metụtara obi, ka ò kwesịkwara ịgụnye uche? Azịza ya na-enyekwu ihe ọmụma.”

Teta! Apr. 8

“Ala ọma jijiji na-akpata ọnwụ nke imerime mmadụ na oké mbibi. Ọ na-emekarị ka ndị lanarịrịnụ gharazie inwe ebe obibi, n’enweghị ụzọ ha ga-esi laghachi n’ọnọdụ ha nọbu. Mbipụta Teta! nke a na-egosi otú ndị o metụtaworo siworo nwee ike ịnagide ihe ala ọma jijiji kpatara. Ọ na-akọwakwa otú ala ọma jijiji si bụrụ akụkụ amụma Bible dị oké mkpa.”

“Dị ka ị maara, ilekọta ezinụlọ bụ ihe ịma aka n’oge a, ịbụ nne bụkwa ọrụ na-achọ ihe dị ukwuu n’aka mmadụ. Mbipụta a nke Teta! tụlere n’ụzọ na-akpali mmasị isiokwu bụ́ ‘Ịbụ Nne—Ọ̀ Chọrọ Nwanyị Nwere Ike Pụrụ Iche?’ Ọ ga-amasị m ịhapụrụ gị nke a.”