Ihe A Ga-ekwu Banyere Magazin Ndị Ahụ

Ụlọ Nche Mar. 15

“Anyị na-akpọ gị òkù ịbịa Ememe Nri Anyasị nke Onyenwe anyị na Sunday, April 4. [Jiri peeji ikpeazụ nke magazin a ma ọ bụ akwụkwọ ịkpọ òkù Ememe Ncheta e biri ebi kọwaa ya. Mgbe ahụ gụọ Luk 22:19.] Isiokwu ndị mbụ nke mbipụta Ụlọ Nche a na-akọwa ihe ememe a pụtara na otú e si eme ya.”

Ụlọ Nche Apr. 1

“Ọ dịghị akụkụ Akwụkwọ Nsọ kpaliworo ịkọ nkọ dị ukwuu dị ka nkọwa Bible nyere banyere akara anụ ọhịa ahụ. Ị̀ nụtụla maka ya? [Nye ohere maka nzaghachi. Mgbe ahụ gụọ Mkpughe 13:16-18.] Na Bible, e dekọrọ isi ihe ndị na-eme ka a ghọta ihe ihe omimi a pụtara. Magazin a na-akọwa ihe isi ihe ndị ahụ bụ.”

Teta! Apr. 8

Mgbe i kwuchara banyere otu ọdachi nke ndị mmadụ ka na-echeta, jụọ, sị: “Ì chetụwo ihe mere Chineke ji kwere ka ihe ndị dị otú a na-eme? [Nye ohere maka nzaghachi. Mgbe ahụ, gụọ Jems 1:13.] Isiokwu a, bụ́ nke e dere karịsịa maka ndị na-eto eto, na-akọwa ihe mere Onye Okike anyị na-ahụ n’anya na-ejibeghị mee ka nhụjuanya ụmụ mmadụ kwụsị.”

“Ihe ka ọtụtụ ná ndị mmadụ maara banyere akụkọ ndụ Mozis. Ma, ị̀ maara na Mozis kwuru ihe metụtara ndụ anyị taa? [Nye ohere maka nzaghachi. Mgbe ahụ gụọ Deuterọnọmi 18:15.] Mbipụta Teta! a kwuru onye onye amụma ahụ e bụrụ n’amụma bụ na ihe ọ ga-eme maka ọdịmma nke ihe a kpọrọ mmadụ.”