Ihe A Ga-ekwu Banyere Magazin Ndị Ahụ

Ụlọ Nche June 15

“Ụfọdụ ndị na-eche na ọ bụ Jizọs bụ onye kachasịnụ bitụworo ndụ n’ụwa. Ndị ọzọ ekweghị na o biri ndụ n’ụwa n’ezie. Ì chere na ihe anyị kweere banyere ya nwere ihe o mere? [Mgbe ọ zaghachisịrị, gụọ Ọrụ 4:12.] Olee ihe àmà e nwere nke na-egosi na Jizọs biri ndụ n’ụwa n’ezie? Magazin a lebara anya n’ajụjụ ahụ.”

Ụlọ Nche July 1

“Otu n’ime mkpa ndị bụ́ isi anyị nwere dị ka mmadụ bụ ịhụ ndị ọzọ n’anya na ịbụ ndị a hụrụ n’anya. [Gụọ okwu nkọwa dị na peeji nke 4.] N’agbanyeghị nke ahụ, ị̀ chọpụtawo na ọha mmadụ nke oge a na-ebutekarị ihe ndị ọzọ ụzọ? [Nye ohere maka nzaghachi.] Magazin a tụlere ihe bụ́ ezigbo ịhụnanya na otú a pụrụ isi zụlite ya.” Gụọ 1 Ndị Kọrint 13:2.

Teta! July 8

“Mmụba nke ime ihe ike na-enweghị isi na-amụba na-enye ọtụtụ ndị nsogbu n’obi. [Nye ihe atụ a maara n’ógbè unu, nyekwa ohere maka nzaghachi.] Magazin a na-enyocha ụfọdụ n’ime ihe ndị na-akpata mpụ ime ihe ike. Ọ na-akọwakwa otú Chineke ga-esi mee ka mpụ na ime ihe ike kwụsị kpam kpam.” Gụọ Abụ Ọma 37:10, 11.