Ihe Ndị A Ga-ekwu Banyere Magazin Ndị A

Ụlọ Nche Mar. 15

“Ndị mmadụ gburugburu ụwa na-eto ozizi Jizọs. [Gụọ ihe e hotara na peeji nke 3, paragraf nke 1.] Ma, ì chere na ihe ndị ahụ o ziri, dị ka nke a dị n’akụkụ Akwụkwọ Nsọ a, bara uru taa? [Gụọ Matiu 5:21, 22a. Mgbe ahụ, chere ka ọ zaa.] Magazin a tụlere ihe Jizọs kụziri na ụzọ anyị pụrụ isi rite uru na ya.”

Ụlọ Nche Apr. 1

“Ị̀ nụtụla na sayensị na Bible na-emegiderịta ibe ha? [Chere ka ọ zaa.] Magazin a na-atụle esemokwu ndị dịworo n’etiti sayensị na okpukpe. Ma, o nyekwara ihe àmà na-egosi na ezigbo sayensị na Bible nwere nkwekọ.” Gosi ya peeji nke 6 na nke 7. Mgbe ahụ gụọ Eklisiastis 1:7.

Teta! April 8

“Ugwu na-amasị ọtụtụ mmadụ n’ihi ịma mma ha. Ma ị̀ ma na ha so eme ka ndụ dịgide n’ụwa? [Chere ka ọ zaa.] Magazin a tụlere ihe mere ugwu ji dị anyị mkpa na ihe ndị na-eme ha taa. O kwukwara ụzọ Onye Okike ga-esi zọpụta ugwu.” Gụọ Abụ Ọma 95:4.

“Olee otú i chere ndị nne na nna pụrụ isi nyere ụmụ ha aka izere nsogbu n’oge uto bụ́ mgbe ihe na-esiri ha ike? [Chere ka ọ zaa. Mgbe ahụ, gụọ Aịsaịa 48:17, 18.] Magazin a na-egosi otú itinye ndụmọdụ Bible n’ọrụ pụrụ isi nyere ndị nne na nna aka iso ụmụ ha na-enwe ezi nkwurịta okwu na ụzọ ha pụrụ isi na-enye ụmụ ha iwu ndị ezi uche dị na ha.”