Ihe A Ga-ekwu Banyere Magazin Ndị A

Ụlọ Nche June 15

“Ihe ka ọtụtụ n’ime anyị ga-eji oge ka ukwuu ná ndụ anyị rụọ ọrụ. Ụfọdụ na-ele ya anya dị ka ngọzi; ndị ọzọ na-ele ya anya dị ka ịbụ ọnụ. Gịnị ka i chere? [Chere ka ọ zaa. Mgbe ahụ, gụọ Eklisiastis 2:24.] Magazin a na-egosi otú Bible pụrụ isi nyere anyị aka inwe echiche ziri ezi banyere ọrụ. Ọ na-atụlekwa otú a pụrụ isi nagide nchegbu ọrụ na-akpata.”

Ụlọ Nche July 1

“Anyị nile maara banyere ndị o yiri ka ihe ọ̀ na-agaziri ha ma, n’agbanyeghị nke ahụ, ya ana-adị ha ka è nwere ihe kọrọ ná ndụ ha. Gịnị ka i chere na ha na-achọ? [Chere ka ọ zaa. Ọ zachaa, gị agụọ Matiu 5:3.] Magazin a na-atụle otu ihe dị mkpa na-eme ka e nwee obi iru ala—igbo mkpa ime mmụọ anyị.”

Teta! July 8

“Ì chere na ihe ga-aka mma n’obodo anyị ma ọ bụrụ na mmadụ nile na-eme ihe e dere ebe a? [Gụọ Ndị Efesọs 4:28. Ị gụsịa ya, i chere ka ọ zaa.] Magazin a na-atụle ihe ntụtụaka a na-eme ná nnukwu ụlọ ahịa na-efu onye ọ bụla n’ime anyị. Ọ na-egosikwa otú ntụtụaka a na-eme n’ụlọ ahịa, na ụdị mpụ ọ bụla ọzọ, ga-esi ghọọ ihe mgbe ochie.”

“N’ụwa taa nke ọtụtụ mmadụ na-asọrịta mpi inweta ọrụ, enweghị ọrụ bụ nnukwu nsogbu. Magazin a kọwara isi ihe ise ga-eme ka mmadụ chọta ọrụ. [Gosi ya isiokwu nta ndị ahụ e dere n’aka akwụkwọ okpotokpo, bụ́ ndị dị n’okpuru isiokwu bụ́ “Isi Ihe Ise Ndị Na-enye Aka n’Ịchọta Ọrụ.”] E nwekwara aro ndị dị mma a tụrụ na ya banyere ụzọ e si ejidesi ọrụ ike.” Gụọ Ilu 22:29, bụ́ nke e hotara na peeji nke 10.