Ihe Ndị A Ga-ekwu Banyere Magazin Ndị A

Ụlọ Nche April 1

“Ụfọdụ ndị kweere na a kaala otú ọdịnihu anyị ga-adị akaa tupu amụọ anyị, ebe ndị ọzọ kweere na ọ bụ anyị ga-ahọrọ otú ọdịnihu anyị ga-adị. Gịnị ka i chere? [Chere ka ọ zaa.] Legodị ihe e kwuru ebe a. [Gụọ Ekliziastis 9:11.] Isiokwu a ji Baịbụl zaa ajụjụ bụ́, ‘À kara ndụ anyị aka?’” Gosi ya isiokwu malitere na peeji nke 26.

Teta! April–June

“Ọ na-atọ anyị niile ụtọ inwe ezigbo ndị enyi. Olee ụdị àgwà ndị na-amasị gị ma ọ bụrụ na enyi gị enwee ha? [Chere ka ọ zaa.] Lee otú Baịbụl si kọwaa onye bụ́ ezigbo enyi. [Gụọ Ilu 17:17.] Isiokwu a tụrụ aro ndị ga-enyere mmadụ aka ịhọta ezigbo ndị enyi nakwa otú anyị onwe anyị ga-esi bụrụ ezigbo ndị enyi.” Gosi ya isiokwu dị na peeji nke 23.

Ụlọ Nche May 1

“Olee ihe i chere nwere ike ime ka o siere mmadụ ike inwe okwukwe na Chineke? [Chere ka ọ zaa.] Amaokwu a m na-aga ịgụrụ gị gosiri na okwukwe dị mkpa. [Gụọ Ndị Hibru 11:6.] Magazin a kwuru ihe anọ anyị ga-eme ka okwukwe anyị sikwuo ike.”

Teta! April–June

“Ọtụtụ ndị di na nwunye na-agba ibe ha alụkwaghịm n’ihi na otu onye n’ime ha enwewala mmasị n’ebe onye ọzọ nọ. Ì chere na di na nwunye ime ihe a Baịbụl kwuru ga-enyere ha aka ka ha ghara itisa? [Gụọ Matiu 5:28. Cherezie ka ọ zaa.] Isiokwu a kọwara ihe Baịbụl kwuru ga-enyere ndị di na nwunye aka ka ha ghara ịgba n’èzí.” Gosi ya isiokwu malitere na peeji nke 14.