Ihe Ndị A Ga-ekwu Banyere Magazin Ndị A

Ụlọ Nche Febụwarị 1

“Ọtụtụ n’ime anyị nwere okpukpe anyị na-ekpe. Ì chere na Chineke na-anabata otú ọ bụla mmadụ kpebiri isi fee ya? [Chere ka ọ zaa. Gụzie Matiu 15:9.] Isiokwu a kọwara ihe anọ Jizọs kwuru e ji ama ndị na-efe Chineke ezi ofufe.” Gosi ya isiokwu malitere na peeji nke 16.

Teta! Jenụwarị–Mach

“Anyị na-anụkarị banyere ihe ndị na-eme ka ọtụtụ ezinụlọ na-enwe nsogbu. Ma, ò nwetụla mgbe i chere ihe mere ezinụlọ ndị na-enwe obi ụtọ ji enwe obi ụtọ? [Chere ka ọ zaa.] Ihe mere ezinụlọ ndị na-enwe obi ụtọ ji enwe obi ụtọ bụ n’ihi na ha na-eso ndụmọdụ ndị dị na Baịbụl.” Gụọ Ndị Kọlọsi 3:13. Gosizie ya ihe asaa Teta! a kwuru na-eme ka ezinụlọ nwee obi ụtọ.

Ụlọ Nche Mach 1

“Ì weere na Baịbụl bụ Okwu Chineke, ka ì chere na ọ bụ naanị akwụkwọ na-akụzi ihe dị mma? [Chere ka ọ zaa.] Legodị ihe Baịbụl n’onwe ya kwuru. [Gụọ 2 Timoti 3:16, 17.] Magazin a kwuru otú mmadụ ga-esi mee mkpebi ziri ezi n’okwu a nakwa ihe mere o ji dị mkpa ime otú ahụ.”

Teta! Jenụwarị–Mach

“Ọtụtụ ndị chere na ọ ka mma nwoke na nwaanyị ibu ụzọ biri tupu ha alụọ. Gịnị ka i chere? [Chere ka ọ zaa. Gụzie 1 Ndị Tesalọnaịka 4:3.] Baịbụl kwuru na ọ dị njọ ma nwoke na nwaanyị na-alụbeghị alụ biri, ọ bụrụgodị na ha bu n’obi imecha lụọ.” Gosi ya isiokwu malitere na peeji nke 22.