Ihe A Ga-ekwu Banyere Magazin Ndị A

Ụlọ Nche May 15

“Ọ̀ ga-amasị gị ibi n’ọnọdụ a a kọwara n’amaokwu Bible a? [Gụọ 2 Pita 3:13. Ị gụsịa ya, i chere ka ọ zaa.] Magazin a kọwara ihe bụ́ eluigwe ọhụrụ na ụwa ọhụrụ ahụ. Ọ kọwakwara otú ndụ ga-esi agbanwe mgbe Chineke ga-emezu nzube ya maka ụwa.”

Ụlọ Nche June 1

“N’ọtụtụ obodo, e nwere oge a na-akwanyeburu ndị agadi ùgwù, dị ka a pụrụ ịhụ n’iwu a e nyere n’oge ochie. [Gụọ Levitikọs 19:32.] Ì chere na a ka na-akwanyere ndị agadi ùgwù otú ahụ taa? [Chere ka ọ zaa.] Magazin a na-ekwu otú Chineke si elekọta ndị agadi na otú anyị onwe anyị pụrụ isi lekọta ha.”

Teta! Apr.-June

“E nwere ọtụtụ chi ụmụ mmadụ n’efe ofufe taa. Ma, legodị ihe Jizọs kwuru banyere Nna ya nke eluigwe mgbe ọ na-ekpe ekpere. [Gụọ Jọn 17:3.] Ọ bụrụ na e nwere nanị otu ezi Chineke, oleekwanụ maka chi ndị ọzọ nile? [Chere ka ọ zaa.] Isiokwu a na-ekwu ihe bụ́ echiche Bible n’okwu a.” Gosi ya isiokwu dị na peeji nke 26-27.

“Ọtụtụ ndị kweere na Jizọs bụ Chineke. Ma, ọ dị mma ịmara na onye na-eso ụzọ Jizọs, bụ́ Pita, kpọrọ Jizọs Ọkpara Chineke. [Gụọ Matiu 16:16.] Ì chere na ọ ga-ekwe omume na Jizọs ga-abụ Chineke, bụrụkwa Ọkpara Chineke n’otu mgbe ahụ? [Chere ka ọ zaa.] Isiokwu a dị na peeji nke 28-29 zara ajụjụ a site n’ikwu ihe bụ́ echiche Bible banyere ya.”