Ihe I Nwere Ike Ikwu

Ịmalite Ọmụmụ Baịbụl na Satọdee Mbụ n’Ọnwa Julaị

“Ọtụtụ ndị kpewe ekpere, ha na-ekwu ihe ahụ e dere n’Ekpere Onyenwe Anyị. Ha na-arịọ Chineke, sị: ‘Ka alaeze gị bịa. Ka uche gị meekwa n’ụwa, dị ka ọ na-eme n’eluigwe.’ Gịnị ka i chere Alaeze Chineke bụ? [Chere ka ọ zaa.] Amaokwu Baịbụl a anyị ga-agụ ugbu a ga-enyere anyị aka ịma ihe ọ bụ.” Gụọ Daniel 2:44. Nye onye nwe ụlọ otu Ụlọ Nche Julaị 1, gị na ya tụleekwa ihe e dere n’okpuru ajụjụ nke mbụ dị na peeji nke 16. Unu mechazie, nye ya Ụlọ Nche ahụ na Teta!, gị na yiekwa mgbe ị ga-abịaghachi ka unu tụlee ajụjụ nke abụọ.

Julaị 1

“Ọtụtụ ndị na-ekwu na ndụ a anyị dị taa enweghị isi. Ihe mere ha ji ekwu otú ahụ bụ maka na nsogbu zuru anyị ahụ́ taa, ndụ anyị bụkwa ndụ a dị taa a nwụọ echi. Ma, ì chere na ndụ a anyị dị taa enweghị isi? [Chere ka ọ zaa.] Na Baịbụl, Chineke kwere nkwa na ihe ga-emecha gbanwee. [Gụọ Mkpughe 21:4.] Magazin a kọrọ ihe bụ́ uche Chineke maka ụwa a. O kwukwara ihe ụfọdụ anyị nwere ike ịna-eme taa ka ndụ nwee ike ịna-atọ anyị ụtọ.”

Julaị–Septemba

“Ọtụtụ ndị na-ekwu na Chineke nọ ebe niile. Ì chere na ihe ahụ ha na-ekwu bụ eziokwu? [Chere ka ọ zaa. Gụzie 1 Ndị Eze 8:39.] Isiokwu dị na peeji nke 24 na magazin a kọwara ihe mere anyị ekwesịghị iche na Chineke nọ ebe niile.”