Ihe I Nwere Ike Ikwu

Ịmalite Ọmụmụ Baịbụl na Satọdee Mbụ n’Ọnwa Mee

“Anyị bịara ka anyị na unu kwuo banyere ajụjụ a dị ezigbo mkpa. [Gosi ya ajụjụ mbụ dị n’azụ Ụlọ Nche Mee 1.] Gịnị ka i chere?” Chere ka ọ zaa. Ya zachaa, gị na ya tụlee paragraf nke mbụ na nke abụọ, gụọkwanụ ma ọ́ dịghị ihe ọzọ otu amaokwu Baịbụl dị ebe ahụ. Nye ya Ụlọ Nche ahụ na Teta!, yiekwanụ mgbe ị ga-abịa ka unu tụlee ajụjụ nke abụọ.

Ụlọ Nche Mee 1

“Ihe mere anyị ji bịa na nke unu bụ na ọtụtụ ndị chọrọ ịma ihe echi ga-abụ. Olee otú obi na-adị gị ma i cheta echi? Obi ọ̀ na-amapụ gị ka obi ọ̀ na-esi gị ike? [Chere ka ọ zaa. Ọ zachaa, gụọ otu amaokwu Baịbụl dị n’igbe dị na peeji nke 7.] Magazin a kwuru banyere ihe ụfọdụ Chineke kwuru na ha ga-eme, kọwaakwa ihe mere obi ji kwesị isi anyị ike na ihe ndị ahụ ga-eme.”

Teta! Mee–Jun

“Anyị bịara ka anyị na unu kwuo banyere otu ihe na-agbata ụfọdụ ndị n’obi ma ike ụwa gwụ ha. Ihe mbụ na-agbata ha n’obi bụ igbu onwe ha. Nsogbu karịrị mmadụ bịara ya, olee ihe i chere o kwesịrị ime? Ọ̀ bụ igbu onwe ya ka ọ̀ bụ ịchọwa otú ọ ga-esi pụta na nsogbu ahụ? [Chere ka ọ zaa. Ya zachaa, gị asị ya:] O nwere nkwa dị na Baịbụl nke ọ na-abụ ọtụtụ ndị gụchaa ha enwee nchekwube. [Gụọ Mkpughe 21:3, 4.] Teta! a kwuru ihe atọ mere mmadụ ga-eji nọrọ ndụ n’agbanyeghị nsogbu bịaara ya.”