Otú Anyị Ga-esi Na-emekwu nke Ọma n’Ozi Ọma—Iji Broshọ Ozi Ọma Si n’Aka Chineke! Malitere Mmadụ Ọmụmụ Baịbụl n’Ozi Ụlọ n’Ụlọ
Ihe Mere O Ji Dị Mkpa: Ọ bụrụ na anyị amara otú e si eji Baịbụl ezi ozi ọma nke ọma, anyị ga-enwe ike inyere ndị mmadụ aka ịghọ ndị na-eso ụzọ Jizọs. (Mat. 28:19, 20) Anyị niile ga-akụzirili ndị mmadụ ihe Baịbụl kwuru nke ọma ma ọ bụrụ na anyị ejiri ihe dị iche iche ọgbakọ Jehova nyerela anyị na-aga ozi ọma. Otu n’ime ha bụ broshọ Ozi Ọma Si n’Aka Chineke! E dere ya otú ọ ga-adịrị anyị mfe iji ya na-amụrụ ndị mmadụ Baịbụl. Anyị nọrọ n’ozi ụlọ n’ụlọ, anyị nwedịrị ike iji nkeji ole na ole jiri ya malitere onye anyị hụrụ n’ụlọ ọmụmụ Baịbụl.
Mee Ihe A n’Ọnwa A:
Rịọ Jehova ka o mee ka iduziri ndị mmadụ ọmụmụ Baịbụl na-agụ gị agụụ. Rịọkwa ya ka o nyere gị aka inweta onye ị ga na-amụrụ Baịbụl. Ihe ọzọ ị ga-arịọ ya bụ ka o mee ka i nwee ike ịna-akụziri ndị i nwetara Okwu ya nke ọma.—Fil. 2:13.
Mgbe ị na-amụ ihe, mụọ otú ị ga-esi jiri aro ahụ dị n’igbe bụ́ “Mgbe Anyị Nọ n’Ozi Ụlọ n’Ụlọ” na-ezi ndị mmadụ ozi ọma. Ezinụlọ nwekwara ike ime otu ihe ahụ mgbe ha na-enwe ofufe ezinụlọ. Anyị mụta ya, obi ga-aka anyị ịmalitere mmadụ ọmụmụ Baịbụl mgbe anyị na-aga ozi ụlọ n’ụlọ.