Ihe I Nwere Ike Ikwu

Ụlọ Nche Disemba 1

“Anyị bịara ka anyị na gị kwurịta ihe ụfọdụ ndị na-ekwu gbasara Baịbụl. Ọtụtụ ndị kweere na Baịbụl bụ Okwu Chineke, ma ha na-ekwu na o siri ike nghọta. Gịnị ka gịnwa chere? [Chere ka ọ zaa.] Ka anyị gụọ Baịbụl chọpụta uru ịghọta ihe dị na ya ga-abara anyị. [Gụọ Ndị Rom 15:4.] Ụlọ Nche a kwuru ihe mere anyị ji mara na e dere Baịbụl otú ndị mmadụ ga na-aghọta ya. O kwukwara ihe ndị ga-enyere anyị aka ịna-aghọta ihe dị na ya.”

Teta! Nọvemba–Disemba

“Ọtụtụ ndị taa anaghị ama ihe ha ga-eme iji nyere onye nke ha aka ma ọ rịawa ọrịa. Gịnị ka i chere mmadụ nwere ike ime ma ọ dịrị ya otú ahụ? [Chere ka ọ zaa.] I meela maka otú i si kwuo uche gị. Nke bụ́ eziokwu bụ na o nweghị onye ga-agbata ọrịa n’ọsọ. Ma, o nwere ihe Baịbụl kwuru nke ọ ga-adị mma ka anyị buru n’obi ma ọ bụrụ na onye nke anyị arịawa ọrịa. [Gụọ Ilu 17:17.] Enyi mmadụ ma ọ bụ onye ikwu ya ịnọ ya nso mgbe ahụ́ na-adịghị ya bara ezigbo uru n’ihi na o nwere ike ịzọ onye ahụ ndụ. Teta! a kwuru ụzọ dị iche iche mmadụ nwere ike isi nyere onye nke ya na-arịa ọrịa aka mgbe ha nọ n’ụlọ nakwa mgbe ha nọ n’ụlọ ọgwụ.” Gosi ya isiokwu ahụ dị na peeji nke iri na anọ.