Tetọrụ Yélaaye ki Angǎwarị Bǒloúịmbẹlẹ Mị́ẹpǎamọ’emo?

BIBLE GBAANIMI YE BI

“Bǒloúịmbẹlẹ kị̌mịama nị Ọkpọnanáowei ẹrẹbịbị bị naá dá ụ kọrị́mịẹ’emíotumọ laa!”—Luke 11:28, New World Translation.

BỊSÁ YE BI KỤRẸỊ́ NỊ Ị MǏẸNGỊ EBIMỌ

Ịzọ̌nbaị tǎrị nǎnangimi.—Ephesians 5:28, 29.

Gěsimaịn tị̌bịsinpịrịye nǎnangimi.—Ephesians 5:33.

Gěsii fǒnmuun nanangimi.—Mark 10:6-9.

WÓNI GESIIBARA BỊ́ KỤRẸỊ́ BIBLE GBAANIMI YE BI GBANAỊNGÍMA Ó?

Íin, iyěrikaa kị́ maa tuú bịmẹẹ́nị:

• Ọkpọnanáowei ki angǎwarịbolou mị̌ẹpaamọowei. Bible bị gbáámẹẹ́ẹ Jehovah, Ọkpọnanáowei kọ́ghọ “angawarịmọ sẹ . . . sẹsẹrẹị́nimí.” (Ephesians 3:14, 15) Akị́ waịị́ zǐnibara gbǎangi bị Jehovah kị mịẹ kọ́ghọ angǎwarị bó páámị. Tetuu kí bịmẹẹnị bịsa ye bi yělaámo?

  Korịnị́iroro: Árị ịmbẹlẹ fị́yaị fị’ěmi mánị akị́ tụ̌amọ tụwọnimí yemọ nimi dọu’ěm’aba, tuba kị́ árị mọ́ bǐingíma ó? Yěnimibára bị, kị̌mị bị́ nị fị̌yaị bị́ tụwọ bọ bị.

  Ani kpeekẹnịbara bị́, tụ̌amọ naá bǒloúịmbẹlě’emi angawarị bolou mịẹnimi yemọ nimingi bi, wóni tóru wǎị Jehovah ni angǎwarị bị́ mịẹpaamọowei ki diingǐmi.—Genesis 2:18-24.

• Ọkpọnanáowei ebibara kị́ nị ọ dǐi’emi. Yeniminimi angawarịmọ sẹ Jehovah tolumọye bi ni, erí wo Ẹrẹ́bịbị kị́ duo mịẹpaamọ́nimí ye ki diiwẹnịngimi. Tetuú ni? “Tuubi erí ebibara kí nị ọ dǐi’emi.” (1 Peter 5:6, 7) Jehovah ọrọ́ dị̌sẹ kụ̌rọmọdẹngịị’emi yěmọ nimiwónimí—má wo tolumóye bi serm’ọ́sẹ ebi mịẹmpǎamọ’emi!—Proverbs 3:5, 6; Isaiah 48:17, 18.