Ị́ Kpọ Ukie Wẹrịemi?

Ị́ kpọ ebibara akị beị kụraị Lewarị funbo goo ma? Bise bara aba, ị́mịnị laa mị biibịbịbo paraị a paaemi bara dii:

Jehovah ere-otu diimịnị bara gbelemọ yọmị, te mịẹdiaye kị mịẹ wo pịrị ma o?

Ómịnị owei-otu dii wẹrịemi bara ka kị ere-otubo kpọ dii wẹrịemi, ómịnị owei-otu tarị ere-otu dẹịngha. Jehovah ere-otu tẹẹbịbịbo mọ, bá iroromịnị yebo kpọ ghọ disenana wẹrịemi. Bá ámịnị laa wo fịrị wenịmọ eti kpọ kọn ánị a tụa wẹrịemi.—w24.01, pp. 15-16.

Omịnị tebara ka kị Ephesians 5:7 “Á mọ mọ́ dịẹkụmọ” gbaa egberi mịẹ a paaemi a o?

Fịrịmọpaaowei Paul, omịnị kịmịama nẹ Jehovah olokobo kokomụ yọ mịẹ kụrọmọ wo pịrịmịnị otu mọ naịnkụmọ berifaanye kị gbaa wo pịrịmịnị. Bịsẹ kịmị a paabo anị wo mọ mọ́ kẹnịyọ inyenrinmịnị otu bá internet duo ẹrẹteimịnị kịmịama kpọ sụọemi.—w24.03, pp. 22-23.

Omịnị te egberiama kị duo angọ kekere agbẹị-emi a o?

Wo ikieotu gbaa wo pịrịmịnị duobo yọ nimigha egberiama, fịrịmọ bomịnị kịmị nimigha email-ama, ba gesii duo korowẹrị gesi gbaseimọmịnị otu gbaamịnị egberiama.—w24.04, p. 12.

Omịnị Jehovah ụgụlapẹlẹ akị Pẹrẹowei Solomon mọ Sodom mọ Gomorrah mọ bá Noah opu beni ma fịị otubo mọ pịrịmụ yọ gbelemọ yọbị, teeki nimi, bá teeki nimigha o?

Jehovah ụgụlapẹlẹ á pịrịdẹ nẹ ámịnị ba fịịyọ duo waịserimụ ukiemoye nanagha bara wo mọ nimigha. Mọabịkpọ, omịnị Jehovah yebosẹ nimi bá opubara ka kị dieneni nana wẹrịemi bara kpọ nimi wẹrịemi.—w24.05, pp. 3-4.

Ọkpọnanaowei akị “Opu Okuta” tọnmọ yọmị te ka kị wo tolumọ ma o? (Deut. 32:4)

Omịnị Jehovah akị wo tịbịsọwẹịyọ mịẹ a paaemi. Omịnị eti kọn Ọkpọnanaowei a tụa a paaemi tuubị ómịnị ifiebosẹ wó gbaa yebo mịẹbeinmomịnị. Bá ómịnị deigha, wó inyenrinbụọ mọ wó gbaa yebo mọ dẹịgha.—w24.06, pp. 26-28.

Aya itu a múdaba teeki baratụa ị́ pịrịwẹrị pọwẹị nana a paaemi a o?

Jehovah ka sẹsẹrẹ. Ómịnị baratụa bụọdẹ ifiemị wó karịtimi otubo pịrị baramị, baratụa ị́ kpọ pịrịmịnị. Iné aya itu kọn iné timiwẹrị bọlọu itu tọnmọ kụmọ. Iné aya itu bọọ sụọ fịrịwẹnị, bá angọtụa dá aya ikie-otuama nana.—w24.07, pp. 26-28.

Matthew 25 bọọ emi tara kabụbo te tolumọyeama kị nana wẹrịemi a o?

Anịnabo mọ bá oboribo mọ kabụmị peibolou nana bá kpẹkpẹrẹ inyenrinbụọ nana egberi kị gbaa wẹrịemị. Kịlịkịlị owei-nimigha erebo mọ bá ayẹbẹ owei-nimigha erebo mọ kabụmị angọ tolumọ bá kirinaa egberi kị gbaa wẹrịemi. Bá talentbo kabụmị angọtụa fịrịwẹnị egberi kị gbaa wẹrịemi.—w24.09, pp. 20-24.

Solomon kẹrị karịwarị-bụbọbị serii tebara kị laatimi ma o?

Omịnị 2Chronicles 3:4 gbaa bara didaba, warị-bụbọ gbelemọ yọmị zụa bara kọn gẹẹ wẹrịemi Bible yọama gbaa amọ serii “120 cubits” kị serii-emi, anị 53-meter (175-ft) laaemi. Anịa zịnị yọama gbaa amọ warị akpakpa bị “serii akị 20 cubits laaemi,” dịyaịn 9 meters (30 ft) kị laaemi. Anịa didaba 20 cubits gbaa wẹrịemi funbo kị karịwarị akpakpabo timi bara mọ gbasị dẹịn-emi bara kị paaemi.—w24.10, p. 31.

Baratụa itukosuotu pịrịmịnị kịmị ‘kẹnị ere kị nana’ gbaa egberimị teeki wo a tuu a o? (1Tim. 3:12)

Ómịnị kẹnị ere kị nanamịnị, bá lịkaị-lịkaị zọzọ bụnụ inyenrinbụọ kpọ nanagha fa. Ómịnị ba tọrụtụa zịnị ere diigha fa.—w24.11, p. 19.

Omịnị tetuu kị duonị John 6:53 bọọ emi yebị akị Nanaowei Buburu Fiyai Fị Oge mịẹmu bara kị bịmọ wẹrịemi bara gbaa agbẹịgha o?

Kịmịotu Jesus angọmẹnị fị bá wó asiin bou bara kị John 6:53 mọ gbaamị, Jesus kụraị 32 C.E, Galilee ka timi mị egberibo ẹrẹmị. Jew otubo bịsẹ ifiemị peibolou akị wó a tụagha wẹrịmị. Mọabịkpọ, Nanaowei Buburu Fịyaị Fị Ogemị kẹnị kụraị bụọdẹ ifie ka Jerusalem bọọ mịẹmị. Bịsẹ ifiemị Jesus ụ mọ mọ́ agọnọ a mú Daabụọ ma timi daamụ otuama kị bịmọtimimị.—w24.12, pp. 10-11.