Gimong a Mangtulong Kadatayo nga Agaramid Adalan
LAWAS TI MAYO 6-12
10 min: Lokal nga anunsio ken Dagiti Pakaammo manipud Ti Ministeriotayo iti Pagarian. Mairepaso ti urnos iti serbisio nga agpaay ti lawas.
20 min: “Paregtaen Dagiti Dadduma a Bumasa iti Ti Pagwanawanan.” Saludsod ken sungbat a diskusion a sarunuen ti dua wenno tallo nga abbaba nga ebkas manipud kadagiti agibumbunannag nga ibagada no apay a tagipatgenda iti Ti Pagwanawanan ken no kasano a nagunggonaanda manipud iti regular a panangbasada iti dayta. Maidatag ti maysa a demostrasion no kasano a ti kaudian a ruar ket mausar a maipaay iti Topiko a Pagsasaritaan.
15 min: “Kaguram Aya ti Mababalaw?” Palawag a naibasar iti Agriingkayo! a Pebrero 8, 1991. Ibinsabinsa ti ispiker a sibabatad dagiti innem a wagas a ti kritisismo wenno pammabalaw ket maaramid a makaay-ayo.
Kanta 122 ken pangserra a kararag.
LAWAS TI MAYO 13-19
10 min: Lokal nga anunsio ken report iti kuenta.
20 min: “Panangtungpal iti Ministeriotayo ti Pagarian iti Kongregasion.” Saludsod ken sungbat a sarunuen ti demostrasion a ti konduktor iti panagadal ti libro ket ilawlawagna kadagiti agasawa no kasano a ti Index ket mausar a mangsarak iti impormasion no apay ken kaano nga agdalungdong dagiti kakabsat a babbai.
15 min: Palawag iti “Adtoyen ti Naan-anay a Gobierno!” iti pinanid 20-4 ti Disiembre 22, 1990 nga Agriingkayo!
Kanta 128 ken pangserra a kararag.
LAWAS TI MAYO 20-26
10 min: Lokal nga anunsio ken Teokratiko a Damdamag.
15 min: Mangasabakayo iti Balaybalay. Narayray ken makaparegta a palawag a naibatay iti Organisado a Mangitungpal ti Ministeriotayo, pinanid 84-7.
20 min: “Irugi ken Ingudo Dagiti Gimong iti Umiso a Tiempo.” Saludsod ken sungbat a diskusion. Basaen amin a parapo.
Kanta 8 ken pangserra a kararag.
LAWAS TI MAYO 27–HUNIO 2
10 min: Lokal nga anunsio. Irepaso ti urnos iti panagdalus ti Kingdom Hall. Tulongan dagiti kakabsat a mangipateg iti kasapulan a kooperasion a mangsalimetmet iti lugar a pagdayawan ken Jehova a nadalus. (Maipaay iti kanayonan nga impormasion kitaenyo ti artikulo a “Raraemenyo Met Laeng iti Kingdom Hallyo?” iti panid 3 iti Setiembre, 1989 a Ti Ministeriotayo iti Pagarian.)
20 min: “Panangiparang ti Naimbag a Damag—Panangitukon iti Ti Panangbiruk ti Sangatauan iti Dios.” Saludsod ken sungbat. Kalpasan a mausig iti parapo 2, idemostra ti naited a presentasion. No adda dadduma a teritoria a nagpurruokan dagiti tattao nga agkuna nga addaanda iti saan a Kristiano a relihion, maysa a nagpaiduma a pinget ti maaramid iti Hunio a matrabaho dagitoy a lugar.
15 min: Natimbang a Panangusar iti Tiempo a Panaglinglingay. Mainterbio dagiti adu nga agtutubo maipapan iti tiempo ti panaglinglingayda. Mausar dagiti material manipud iti Iyimtuod iti Agtutubo a libro, kapitulo 35 aginggat’ 37. Mabalin a maisaludsod ti kabsat a manginterbio: Apay a kasapulan a napilikayo no ania iti basaenyo? Kasanoyo a mapili dagiti maitutop a babasaen a material? Ania dagiti makadangran nga epekto iti panagbuya ti TV, ken kasanoyo a makontrol daytoy? Apay a dikay masaaw iti aniaman no saanyo a tuladen dagiti nailubongan nga agtutubo? Apay a napeggad no tuladenyo ida? Ania dagiti nadumaduma a wagas a nasarakanyo a mangyeg iti naimbag a panagpalpaliwa? Apay a nasken a natimbangtayo iti daytoy a banag?
Kanta 221 ken pangserra a kararag.
LAWAS TI HUNIO 3-9
5 min: Lokal nga anunsio.
15 min: “Aramatenyo a Naimbag Dagiti Publikasiontayo.” Saludsod ken sungbat. Maadda ti dua a demostrasion a mangipakita no kasano a maibagay iti tukon idiay paginteresan ken kasapulan iti bumalay.
10 min: Ti Trabaho Dagiti Attendant. Masaludsodan ti maysa a kabsat a manangaywan kadagiti attendant. Maibinsabinsa dagiti rebbengenda ken no kasano a makitunos ti kongregasion kadakuada. (Kitaenyo ti Organisado a Mangitungpal ti Ministeriotayo, pinanid 63-4, ken Ti Ministeriotayo iti Pagarian, Enero, 1990, panid 3.) Ipalagip dagiti attendant kadagiti nagannak maipapan ti panagkasapulan iti panangpakalma kadagiti makadisturbo nga annakda. Ipaay met dagiti attendant iti ulimek kadagiti gimong, bilangenda dagiti timmabuno, ken badanganda dagiti lallakay, babbaket ken baldado nga agturong iti tugawda.
15 min: Panangusar Kadagiti Tract iti Ministerio. Malawagan dagiti nagduduma a wagas a panangusar kadagiti nagduduma a tract. Pagkomentuen dagiti dumdumngeg no kasanoda nga usaren dagiti tract ken saritaenda dagiti kapadasanda. Idi Pebrero nailawlawag no kasano a dagiti tract ket mausar a pangirugi iti panagadal. Paistoria dagiti kapadasan kas resulta ti panangaramid iti daytoy. Kitaenyo met idiay Index iti babaen ti “Tracts” a maipaay kadagiti kapadasan dagidiay a nangusar kadakuada.
Kanta 12 ken pangserra a kararag.