Gimong ti Serbisio iti Hulio
Lawas ti Hulio 3-9
10 min: Dagiti lokal nga anunsio ken napili a Pakaammo manipud Ti Ministeriotayo iti Pagarian.
17 min: “Agtultuloykayo nga Agbantay.” Saludsod ken sungbat.
18 min: “Usaren Dagiti Nagduduma a Broshur iti Ministerioyo.” Komentuan iti ababa dagiti makapainteres a benneg dagiti broshur. Maadda ti dua wenno tallo nga ababa a demostrasion a mangipakita no kasanoda a maitukon.
Kanta 213 ken pangserra a kararag.
Lawas ti Hulio 10-16
8 min: Dagiti lokal nga anunsio. Report ti kuenta.
12 min: “Tigtignayennatay Aya iti Naespirituan Dagiti Pammalagip ni Jehova?” Saludsod ken sungbat.
10 min: “Saludsod.” Pakisaritaan ti manangaywan ti serbisio kadagiti dumdumngeg. Iyaplikar iti lokal a kasasaad ti teritoria.
15 min: Palawag iti “Adda Kadi Pinaregtayo Itay Nabiit?” a naibasar iti artikulo ti Enero 15, 1995 a Pagwanawanan, pinanid 21-3.
Kanta 154 ken pangserra a kararag.
Lawas ti Hulio 17-23
10 min: Dagiti lokal nga anunsio.
20 min: “Agsarungkar a Maipaay iti Nabunga a Ministerio.” Pakisaritaan ti kabsat a pakaitedan daytoy a paset kadagiti tallo a sabsabali nga agibumbunannag no apay a napateg ti panangsurnad kadagiti amin nga interesado ken napaimaan. Repasuenda dagiti naisingasing a presentasion sa agsinnublatda a mangidemostra no kasano a mausarda dagitoy.
15 min: Panangyadal ti Biblia iti Pagtaengan. Palawag ti maysa a panglakayen a mangidadaulo kadagiti naprogreso a panagadal iti Biblia. Maiparegta ti ad-adda a panangikagumaan a mangirugi kadagiti panagadal iti Biblia. Repasuen dagiti naitukon a singasing iti Organisado a Mangitungpal ti Ministeriotayo, pinanid 89-91. Mabalin a mairaman dagiti lokal a kapadasan.
Kanta 164 ken pangserra a kararag.
Lawas ti Hulio 24-30
10 min: Dagiti lokal nga anunsio.
15 min: Dagiti lokal a kasapulan. Wenno maited ti palawag a “Panangipakita iti Nakristianuan nga Ayat Kadagiti Lallakay ken Babbaket,” a naibatay iti Agosto 1, 1994, a Pagwanawanan, pinanid 27-30.
20 min: Ania ti Ipagarup Dagiti Kaarruba? Palawag ken demostrasion a naibasar iti Mayo 15, 1975, a Pagwanawanan, pinanid 314-8 (w74-E 4/1 pp. 201-3). Ipalawag no apay a kanayon nga imamegdatayo dagiti kaarruba a taga-lubong. (Wanasen ti pinanid 314-5.) Kalpasanna ipakita babaen iti demostrasion ti panangyadal ti adda kapadasanna nga agassawa iti baro nga interesado a pamilia nga ub-ublagen dagiti taga-lubong a kaarruba a kumontra iti panagadal ti Biblia a kadua dagiti Saksi ni Jehova. Repasuen dagiti kangrunaan a punto a natda iti artikulo.
Kanta 169 ken pangserra a kararag.
Lawas ti Hul. 31–Ago. 6
10 min: Dagiti lokal nga anunsio. Teokratiko a Damdamag.
15 min: “Makapabilegkayo Koma.” Pannakisarita ken palawag ti maysa a panglakayen.
20 min: Repasuen ti Literatura a Tukon iti Agosto. Dakamaten dagiti 32-pinanidna a broshur a mabalin a mausar. Awisen dagiti agibumbunannag a nangitukon kadagiti broshur bayat ti Hulio a mangistoria iti aniaman a makapainteres a kapadasanda. Idemostra no kasano a mairugi ti panagadal iti Biblia babaen iti broshur a Pudno Aya a Maseknan ti Dios Kadatayo? Isaludsod ti adda iti umuna a parapo iti Paset 1. Kitaen ti reaksion ti bumalay kadagiti kapanunotan a nayebkas kadagiti parapo 2-4. Ilawlawag a ti broshur ipakitana a ti Dios ket pudno a maseknan ket iti kasta matagiragsaktayo ti biag nga awanen panagsagaba iti sumungsungad a baro a lubongna. Itukon ti panagsubliyo a maipaay iti kanayonan a panagsasarita.
Kanta 179 ken pangserra a kararag.