Ania ti Ibagak?

No adda tattao a mangipangag kadatayo iti ministerio, tarigagayantay ti agsubli tapno ad-adu pay ti maibagatayo kadakuada. Nupay kasta, nalabit agduaduatayo no ania ti ibagatayo a mangituloy iti sumaganad a panagsarita. Mabalinyo a padasen daytoy a metodo: Mangibangon iti makapainteres a saludsod, kalpasanna iturongyo iti libro a Panakirinnason tapno ipakitayo ti Nainkasuratan a sungbat. Makatulong no addaankayo iti listaan dagiti saludsod a mabalinyo a pangpilian iti pagarupenyo a paginteresan unay ti kasaritayo. Ti listaan nga adda iti baba, a nagupgop manipud iti libro a Panakirinnason, ipakitana ti panid a pakasarakan iti sungbat ti kada saludsod:

◼ Apay a lumakay ken mataytayo? (167, Ipapatay)

◼ Adda kadi nabileg a rason tapno mamatitayo iti Dios? (113, Dios)

◼ Talaga kadi a maseknan ti Dios iti mapasamak kadatayo? (114, Dios)

◼ Masapul kadi a mapan ti tao idiay langit tapno pudno a naragsak ti masanguananna? (208, Langit)

◼ Apay a nasken nga ammuen ken usaren ti personal a nagan ti Dios? (182, Jehova)

◼ Anianto ti magapuanan ti Pagarian ti Dios? (268, Pagarian)

◼ Ania ti panggep ti natauan a panagbiag? (64, Biag)

◼ Apay a nagadu dagiti relihion? (361, Relihion)

◼ Kasano a maammuan ti maysa no ania a relihion ti umiso? (368, Relihion)

◼ Kasanot’ kabileg ti impluensia ni Satanas iti agdama a lubong? (390, Satanas)

◼ Apay nga impalubos ti Dios ti panagsagaba? (295, Panagsagaba)

◼ Apay a nakaro unay ti kinadakes? (89, Kinadakes)

Mabalinyo ti mangikabil iti kasta a listaan dagiti saludsod iti Bibliayo wenno iti libroyo a Panakirinnason a pangalistuan a reperensia. No adda masnup a pampanunotenyo nga ibaga kabayatan ti panagsarungkar maparegtakayo nga agmatalek a mangsurnad iti amin a masarakanyo nga interes.