Gimong ti Serbisio iti Disiembre
PAKAAMMO: Ti Ministeriotayo iti Pagarian iyeskediulna ti Gimong ti Serbisio iti kada lawas kabayatan ti Disiembre ken Enero. Mabalin nga agaramid dagiti kongregasion iti panagbalbaliw no kasapulan tapno makatabunoda iti “Pammati iti Sao ti Dios” a Kombension Distrito ken mayurnosda ti 30-minuto a panangrepaso kadagiti tampok ti programa iti sumaganad a lawas a Gimong ti Serbisio. Ti repaso ti inaldaw a programa ti kombension distrito rumbeng a maipakpakauna a maituding iti dua wenno tallo a kualipikado a kakabsat a makabael a mangiruar kadagiti naisangsangayan a punto. Daytoy nasayaat ti pannakaisaganana a repaso tulonganna ti kongregasion a manglagip kadagiti kangrunaan a punto a mayaplikar a personal ken mausar iti tay-ak. Rumbeng nga ababa ken direkta dagiti komento ken kapadasan nga isalaysay dagiti agdengdengngeg.
Lawas ti Disiembre 1-7
10 min: Dagiti lokal a pakaammo. Dagiti napili a Pakaammo iti Ministeriotayo iti Pagarian.
15 min: “Sawen ti Maipapan ken Jehova iti Inaldaw.” Saludsod ken sungbat. No masaklaw ti parapo 4, iramanyo dagiti komento manipud iti Giya ti Eskuelaan, adalen 16, parapo 14-16.
20 min: “Ti Biblia—Pangiwanwan ti Dios Kadagiti Amin a Tattao.” Isalaysay ti maysa a panglakayen ti artikulo agraman dagiti rason no apay a rumbeng a matignay dagiti amin a mangsukimat iti Biblia. Pagsaludsodan iti apagbiit ti dua nga agibumbunannag no kasanoda nga insagana nga usaren dagiti naisingasing a presentasion iti parapo 3, 5, ken 7. Idemostra ti maysa kadagitoy iti damo nga ibibisita sa maysa para iti panagsarungkar.
Kanta 165 ken pangserra a kararag.
Lawas ti Disiembre 8-14
10 min: Dagiti lokal a pakaammo. Report ti kuenta.
20 min: Apay nga Ipulongyo ti Dakes? Palawag ti panglakayen a naibasar iti Agosto 15, 1997, a Pagwanawanan, panid 26-30.
15 min: “Kasapulandakayo!” Pagsasaritaan ti tallaong nga idauluan ti panglakayen. Dakamaten dagiti promedio ti tumabtabuno iti gimong ti kongregasion. Mangawis iti sumagmamano a mangisalaysay kadagiti makagapu no apay a mabang-aranda babaen ti panaglalangen kadagiti gimong.
Kanta 172 ken pangserra a kararag.
Lawas ti Disiembre 15-21
15 min: Dagiti lokal a pakaammo. Mangitukon kadagiti singasing no kasano ti nataktika nga isusungbat kadagiti kablaaw mainaig iti nailubongan a piesta. Ibalabala dagiti naisangsangayan nga urnos iti tay-ak ti serbisio para iti Disiembre 25 ken Enero 1. Repasuen ti “Baro a Programa ti Asamblea Sirkito.” Kitaenyo ti panid 4.
10 min: Lokal a kasapulan.
20 min: “Mannursurotayo Koma, Saan Laeng a Manangaskasaba.” Saludsod ken sungbat. No saklawenyo ti parapo 11, basaenyo ti Giya ti Eskuelaan, adalen 15, parapo 11.
Kanta 174 ken pangserra a kararag.
Lawas ti Disiembre 22-28
8 min: Dagiti lokal a pakaammo.
17 min: “Ti Teokratiko nga Eskuelaan ti Panagministro Para iti 1998.” Palawag ti manangaywan iti eskuelaan. Repasuen dagiti wagas a pakagunggonaan a naan-anay dagiti amin manipud iti eskuelaan inton umay a tawen. Iparegta ti panangsurot iti baro a “Kanayonan nga Eskediul ti Panagbasa iti Biblia” iti kada lawas.
20 min: Ikasaba ti Naimbag a Damag iti Sadinoman. Pagsasaritaan ti tallaong ti libro a Ti Ministeriotayo, panid 92-7, nga usaren dagitoy a saludsod: (1) Apay nga epektibo ti panagusar kadagiti literaturatayo iti panangisaknap iti naimbag a damag? Apay a rumbeng nga agitukontayo kadagiti literatura iti amin a gundaway? Apay a napateg a dakamaten ti urnos maipapan iti donasion? (2) Apay a rumbeng a sipapanunottayo iti di pormal a panangasaba? Ania ti sumagmamano a wagas a panangasaba iti di pormal? (Mangawiskayo iti sumagmamano a mangisalaysay kadagiti kapadasan iti di pormal a panangasaba.) (3) Apay a rumbeng nga ikagumaan ti kongregasion a wanasen a naimbag ti naituding a teritoriana? Kadagiti aduan iti teritoria, ania ti pagsayaatan ti maaddaan iti personal a teritoria? (4) Kasanotayo a magunggonaan kadagiti urnos iti grupo a panangasaba? Kasanotay a maiplano ti panangasabatayo tapno masiguradotayo a mausartay ti tiempotayo iti kasayaatan a wagas?
Kanta 222 ken pangserra a kararag.
Lawas ti Dis. 29–Ene. 4, 1998
10 min: Dagiti lokal a pakaammo. Ipalagip kadagiti amin nga itedda dagiti reportda iti tay-ak ti serbisio.
15 min: Repasuen ti Literatura a Tukon iti Enero. Ipakita dagiti daan a libro nga adu iti kongregasion, ken mangdakamat kadagiti makapainteres a punto a mapagsasaritaan a makatulong iti panangisagana kadagiti presentasion. Iraman ti maysa a demostrasion. Itultuloytay koma ti panagreggettayo a mangirugi kadagiti panangyadal iti broshur a Kalikaguman wenno iti libro a Pannakaammo.
20 min: “No Kasano a Taginayonen ti Rag-o iti Amin-Tiempo a Panagserbi.” Palawag ti panglakayen a naibatay iti artikulo ti Setiembre 15, 1997 a Pagwanawanan, panid 21-24.
Kanta 215 ken pangserra a kararag.