Eskediul ti Gimong ti Serbisio

Lawas ti Marso 11

Kanta 2

13 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Babaen ti panangusar kadagiti singasing iti panid 8, idemostra ti dua nga ababa a presentasion ti panangipaima iti Marso 15 a Pagwanawanan ken ti Marso 22 nga Agriingkayo! Iti kada presentasion, ipakita no kasano a sanguen ti pangguped iti saritaan a, “Saanak nga interesado.”​—Kitaenyo ti Panakirinnason a libro, panid 16.

12 min: Panangsalimetmet iti Neutral a Takdertayo Kas Kristiano. Palawag ti maysa a makabael a panglakayen. Nasaksaknap ita ti patriotismo idiay eskuelaan ken pagtrabahuan. Adu ti mangitantandudo iti dayta gapu ta dayta ti ammoda a pamay-an a mangdaer iti pakaringgoran ken panagleddaang nga inyeg dagiti didigra iti pagilian. Ngem nupay makaupay dagiti makitkitatayo iti lubong, matarusantayo ti dakdakkel nga isyu ti sapasap a kinasoberano ket maliwliwatayo gapu iti mensahe ti Pagarian. No naannad nga ilawlawagtayo iti sabsabali no apay a ditay makiraman kadagiti nasionalistiko nga aramid, iranudtayo met koma ti liwliwa ken namnama a nasarakantayo iti Sao ti Dios. Ti broshur a Dagiti Saksi ni Jehova ken ti Edukasion, panid 20-4, iti sidong ti subtema a “Ti Panagsaludo iti Bandera,” ilawlawagna ti rason no apay a ditay makipaset kadagiti patriotiko a seremonia. Mausig dagiti tampokna, ken paregtaen dagiti nagannak a repasuenda a naimbag daytoy nga impormasion a kadua dagiti annakda. Isalaysay ti kapadasan a masarakan iti panid 20 iti broshur ken iti panid 31 iti Enero 8, 1996, Agriingkayo!

20 min: “Agbalinkayo a Nabaknang iti Nasayaat nga Ar-aramid.”a Idauluan ti manangaywan ti serbisio. Pagsasaritaan no kasano a mausar iti kasayaatan a pamay-an dagiti nayimprenta nga imbitasion. Paisalaysay kadagiti agibumbunannag no kasano nga inawisda a tumabuno iti Memorial idi napan a tawen dagiti kabagian, kaarruba, iyad-adalan iti Biblia, ken dadduma pay nga interesado a tattao. Paregtaen amin dagidiay mabalin nga ag-auxiliary pioneer inton Abril.

Kanta 82 ken pangserra a kararag.

Lawas ti Marso 18

Kanta 7

10 min: Lokal a pakaammo. Report ti kuenta. Pagsasaritaan “Dagiti Palagip iti Memorial.” Paregtaen ti amin a surotenda ti nayeskediul iti Marso 23-28 a panagbasa iti Biblia iti lawas ti Memorial.

15 min: “Sirarag-o a Naikaykaysa ken ni Jehova ken iti Anakna.” Makagutugot a Nainkasuratan a palawag ti maysa a panglakayen. Paregtaen ti tunggal maysa a mangrugi ita agingga iti Marso 28, pagreggetanda ti mangawis iti ad-adu pay a tattao tapno kaduatayo a tumabuno iti Memorial.

20 min: “Kasano a Magunggonaankayo iti Tinawen a Libro? Palawag ken pannakisarita kadagiti agdengdengngeg. Umuna, itampok dagiti kangrunaan a punto iti “Surat Manipud iti Bagi a Manarawidwid,” iti panid 3-5. Kalpasanna, paisalaysay kadagiti agdengdengngeg ti sumagmamano a report ken kapadasan iti Tinawen a Libro a makaparegta ken makapabileg iti pammatida. (No saan pay a magun-od ti agdama a Tinawen a Libro, dagiti punto iti 2001 Yearbook ti mabalin nga usaren iti daytoy a paset.)

Kanta 45 ken pangserra a kararag.

Lawas ti Marso 25

Kanta 12

15 min: Lokal a pakaammo. Ilawlawagyo a mabalin pay ti agaplikar nga auxiliary pioneer iti Abril. Babaen ti panangusar kadagiti singasing iti panid 8, paidemostra iti maysa a panglakayen no kasano a maipaima ti Abril 1 a Pagwanawanan ken iti maysa nga agtutubo no kasano a maipaima ti Abril 8 nga Agriingkayo!

10 min: “Maksayan Dagiti Suskripsion.” Palawag ti manangaywan ti serbisio, nga ipakaammona iti amin a kameng ti kongregasion nga alaenda ti magasinda manipud iti kongregasion imbes a babaen ti suskripsion. Iparegta ti panangipasdek kadagiti ruta ti magasin kadagidiay adda ti teritoriatayo a mangayat a maaddaan iti regular a suplay ti magasin.

20 min: Usarenyo a Mangparegta ti Libro a Panakirinnason. Pagsasaritaan ti tallaong. Pasaray kasapulan ti tunggal maysa ti naayat a pammaregta. No kasta, mariknatayo koma amin a kasapulan ti ‘agsao a makaliwliwa’ iti sabsabali. (1 Tes. 5:14) Babaen ti panangusar iti libro a Panakirinnason, awisen dagiti agdengdengngeg a mangdakamat no ania a Nainkasuratan a pammaregta ti mabalin nga iranudda iti tao a maipaspasango iti maysa kadagiti pakasuotan a naibalabala iti panid 275-9. Isingasing a paregtaen ti tunggal maysa ti asinoman a makitada nga agkasapulan iti dayta.—Gal. 6:10.

Kanta 131 ken pangserra a kararag.

Lawas ti Abril 1

Kanta 27

7 min: Lokal a pakaammo. Ipalagip kadagiti agibumbunannag nga itedda ti reportda para iti Marso.

18 min: “Dagiti ‘Sagut a Tattao’ Sigagagar nga Ipastoranda ti Arban ti Dios.” Palawag ti maysa a panglakayen. Ilawlawag dagiti naisitar a teksto. Ipakita no kasano a mangyeg iti positibo a resulta ti panangipastor kadagiti di aktibo ken panangtulong kadagiti addaan iti an-annayen a mangaramid iti kabaelanda.

20 min: “Parayrayenyo ti Rag-oyo a Mangasaba.”b No salaysayen ti parapo 5, idemostra ti maysa wenno dua a pamay-an ti iyaasideg iti maysa a tao tapno mangipaay iti ababa a panangsaksi.

Kanta 15 ken pangserra a kararag.

[Dagiti Footnote]