Eskediul ti Gimong ti Serbisio
Lawas ti Hulio 8
15 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Babaen ti panangusar kadagiti singasing iti panid 4, iparang ti dua a demostrasion no kasano nga ipaima ti Hulio 15 a Pagwanawanan ken Hulio 22 nga Agriingkayo! Iti tunggal demostrasion, ipakita no kasano a tamingen ti pangguped iti saritaan a “Kristianokami amin ditoy.”—Kitaenyo ti Panakirinnason a libro, panid 19.
10 min: Palawag ti maysa a panglakayen maibatay iti “Saludsod” iti panid 3, nga ilawlawag ti lokal nga aplikasion ti material.
20 min: Panagbalin nga Organisado Tapno Mangasaba iti Impormal. Pannakisarita kadagiti agdengdengngeg maipapan iti Ti Ministeriotayo a libro, panid 93-4. Babaen ti panangusar kadagiti singasing nga adda iti parupa a panid ti insert ti Mayo 2002 a Ti Ministeriotayo iti Pagarian, idemostra iti apagbiit ti dua wenno tallo a pamay-an a mangasaba iti impormal iti maysa a ganggannaet, kaarruba, kabagian, wenno am-ammo.
Kanta 139 ken pangserra a kararag.
Lawas ti Hulio 15
10 min: Lokal a pakaammo. Report ti kuenta.
15 min: Lokal a kasapulan.
20 min: Dagiti Agkakaimbag a Rason nga Usaren ti Biblia iti Ministeriotayo. Palawag ken pagsasaritaan ti tallaong. Kabesado ni Jesus ti Kasuratan ken kanayon nga inusarna dagitoy iti panangisurona. (Luc. 24:27, 44-47) Saan a nagtaud kenkuana ti insurona. (Juan 7:16-18) Napateg met nga usarentayo ti Sao ti Dios. Nabilbileg dayta ngem iti aniaman a personal a sawentayo. (Juan 12:49, 50; Heb. 4:12) Maatrakar dagiti napudno a tattao iti liwliwa ken namnama nga ituktukon ti Kasuratan. Aramidenyo a kalat a mangibasa iti uray maysa laeng a teksto ti Biblia no mangaskasabakayo. Ipaganetgetyo nga adda dagiti teksto a nairaman kadagiti singasing a panangipaima iti magasin iti daytoy a bulan. Pagkomentuen dagiti agdengdengngeg no kasano nga us-usarenda ti Biblia iti ministerio ken ti epekto daytoy kadakuada ken kadagiti kaskasabaanda.
Kanta 215 ken pangserra a kararag.
Lawas ti Hulio 22
10 min: Lokal a pakaammo. Idemostra ti maysa a mangaskasaba a nagannak ken ti anakna no kasano nga usaren dagiti naisingasing iti panid 4 a panangitukon iti Agosto 1 ken Agosto 8 a magasin. Maitukon ti Pagwanawanan ken Agriingkayo! iti nagduma a presentasion. Paregtaen dagiti nagannak a sanayenda dagiti annakda a rumang-ay iti ministerio.
17 min: Ania ti Ibagayo iti Tao nga Agsaludsod Maipapan iti Islam? Palawag ken demostrasion. Babaen ti panangusar iti libro a Panangbirok ti Sangatauan iti Dios, kapitulo 12, ilawlawag iti apagbiit ti nagpadaan ti Biblia ken ti Koran. (Kitaenyo ti kahon iti panid 285.) Ipakita ti nagdumaan ti sursuro ti Islam maipapan iti kararua (panid 297-300) ken ti panangilawlawag iti Biblia. (Kitaenyo ti footnote iti panid 299.) Babaen ti panangusar iti libro a Panakirinnason, panid 84-9, idemostra no kasano nga ilawlawag iti kabbaro nga interesado a tao no ania ti kunaen ti Biblia maipapan iti kararua.
18 min: Kasano a Maliklikak Dagiti Peggad ti Internet? Palawag ken pannakisarita kadagiti agdengdengngeg a naibatay iti Enero 22, 2000, nga Agriingkayo!, panid 19-21. Itampok dagiti silo ti di natimbeng a panagusar iti Internet, ken ilawlawag no kasano a maliklikan ti matnag iti dayta. Pagkomentuen dagiti agdengdengngeg no kasano a nagunggonaanda idi inyaplikarda daytoy a balakad.
Kanta 61 ken pangserra a kararag.
Lawas ti Hulio 29
10 min: Lokal a pakaammo. Palagipan dagiti agibumbunannag nga itedda dagiti reportda iti tay-ak ti serbisio para iti Hulio.
15 min: “Dagiti Kararagsakan a Tattao Ditoy Daga.” Palawag. Iraman iti apagbiit ti “Dagiti Addang a Mangiturong iti Kinaragsak,” iti panid 6 ti Oktubre 15, 1997, Pagwanawanan.
20 min: “Agtutunostayo Koma.”a No pagsaritaan ti parapo 3, iraman ti komento ti Abril 22, 2000, Agriingkayo!, panid 9-10. Iti parapo 4, iraman ti komento ti Abril 1, 1995, Pagwanawanan, panid 16-17, parapo 4-6.
Kanta 81 ken pangserra a kararag.
Lawas ti Agosto 5
10 min: Lokal a pakaammo.
20 min: “Panangurnong Kadagiti Tattao Manipud iti Amin a Pagsasao.”b Iraman dagiti komento ti Abril 1, 2002, Pagwanawanan, panid 24. No maitutop, ilawlawag iti apagbiit no ania dagiti maar-aramid a panangtulong kadagiti adda iti teritoria a ganggannaet ti pagsasaoda, ken idemostra ti presentasion iti parapo 4.
15 min: Palawag ti maysa a panglakayen iti tema nga “Empatia—Tulbek iti Kinaimbag ken Kinamanangngaasi,” naibatay iti artikulo nga Abril 15, 2002, Pagwanawanan, panid 24-7.
Kanta 184 ken pangserra a kararag.
[Dagiti Footnote]
a Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.
b Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.