No Ania ti Ibagayo Maipapan Kadagiti Magasin

Ti Pagwanawanan Hulio 15

“Patienyo kadi a dagiti nadangkes madusada idiay impierno? [Palubosanyo a sumungbat.] Nabatad nga ipakita ti Biblia no ania ti supapak ti basol. [Basaenyo ti Roma 6:23a.] No kasta, ti kadi impierno ket umap-apuy a lugar a pagtutuokan? Dayta kadi ket kaipapananna laeng ti pannakaisina iti Dios? Ipaay daytoy a magasin dagiti Nainkasuratan a sungbat kadagitoy a saludsod.”

Agriingkayo! Hulio 22

“Adu a tao ti mangibilang iti panagsugal kas pagpalpaliwaan dagiti aggagayyem. Para kadagiti dadduma, mangdadael daytoy kadagiti pamilia ken iti kagimongan. Daytoy a ruar ti Agriingkayo! sukimatenna ti panagsugal sigun iti nabiit pay a naipablaak a panagsirarak. Nalabit interesadokayo met a mangbasa no kasano a nainaig dagiti prinsipio ti Biblia iti daytoy a topiko.” Kas pagarigan, basaenyo ti 1 Timoteo 6:10.

Ti Pagwanawanan Ago. 1

“Kuna ti adu a tao a maysa laeng a paglinglingayan dagiti inaanito a kapanunotan ken kostumbre. [Mangipakita iti maysa wenno dua a pagarigan iti kahon iti panid 5.] Pinampanunotyo kadin no apay nga adda dagita a kapanunotan? [Kalpasan a sumungbat, basaenyo ti 2 Corinto 11:14.] Ipakita daytoy a magasin no ania ti panangmatmat ti Biblia iti an-anito.”

Agriingkayo! Ago. 8

“Adu a tao ti madanagan unay gapu iti agtultuloy a panagraira ti kinaranggas ken terorismo. Nalabit umanamongkayo iti kuna ti Eclesiastes 8:9. [Basaen ken palubosanyo a sumungbat.] Ilawlawag daytoy a ruar ti Agriingkayo! no ania ti masursurotayo iti napalabas ken ipakitana no kasano nga agpatingga ti kasta a panangdominar iti saanen a mabayag.”