Eskediul ti Gimong ti Serbisio
Lawas ti Abril 12
10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Idemostra no kasano nga itukon ti Abril 15 a Pagwanawanan ken Abril 22 nga Agriingkayo! babaen ti panangusar kadagiti singasing iti panid 4. Iti tunggal demostrasion, agparis a maitukon dagiti magasin, uray no maysa laeng ti maitampok. Iti kada demostrasion, mangipakita iti agduma a pamay-an no ania ti ibaga no adda agkuna, “Diak masango dayta.”—Kitaenyo ti libro a Pannakirinnason, panid 19-20.
15 min: “Itedtayo ti Kasayaatan ken ni Jehova.”a No mapagsasaritaan ti parapo 4, pagkomentuen ti tallaong maipapan kadagiti espesipiko a pamay-an no kasanotayo a maipakita ti ayat kadagiti tattao a kasabaantayo.
20 min: Dagiti Payunir Tultulonganda Dagiti Sabsabali. Palawag ken interbiu nga ikondukta ti manangaywan iti serbisio. Repasuen ti programa a Pioneers Assist Others kas naisalaysay iti Setiembre 1998 a Ti Ministeriotayo iti Pagarian, panid 4. Dakamaten dagiti nasayaat a resulta iti kongregasion. Manginterbiu iti maysa a payunir a nakatulong iti sabali ken maysa nga agibumbunannag a natulongan. Ipakita no kasanoda a nagunggonaan iti panagtrabahoda a dua iti ministerio. Awisen dagiti dadduma pay a mangaprobetsar iti daytoy nga urnos kadagiti umay a bulan.
Kanta 91 ken pangserra a kararag.
Lawas ti Abril 19
8 min: Lokal a pakaammo.
17 min: “Tuladenyo ti Kababalin ni Jesus.”b Usarenyo dagiti naipaay a saludsod. No mapagsasaritaan ti parapo 4, pagkomentuen dagidiay agserserbi kas auxiliary pioneer no ania dagiti sinagrapda a bendision iti panagpayunirda.
20 min: “Masapul Kadi a Kanayon nga Adda Bilin ti Biblia?” Palawag ti panglakayen a naibatay iti artikulo iti Pagwanawanan a Disiembre 1, 2003, panid 20-3.
Kanta 80 ken pangserra a kararag.
Lawas ti Abril 26
12 min: Lokal a pakaammo. Report ti kuenta. Ipalagip kadagiti agibumbunannag nga iteddan dagiti reportda iti Abril. Dakamaten ti literatura a tukon iti Mayo. Idemostra no kasano nga itukon ti Mayo 1 a Pagwanawanan ken Mayo 8 nga Agriingkayo! babaen ti panangusar kadagiti singasing iti panid 4. Iti tunggal demostrasion, agparis a maitukon dagiti magasin, uray no maysa laeng ti maitampok. Iti maysa kadagiti presentasion, idemostra ti panangasaba iti katrabahuan wenno kaeskuelaan.
15 min: Lokal a kasapulan.
18 min: Agtutubo—Tingitingenyo a Naimbag ti Edukasion a Planoyo a Gun-oden. Kasarita ti maysa a panglakayen ti sumagmamano a nagannak ken dagiti agtutubo nga annakda maipapan iti kanayonan nga edukasion. Pagsasaritaanda ti Setiembre 1, 1999, a Pagwanawanan, panid 16-17, parapo 11-13, nga ipaganetgetda dagiti makagapu no apay a rumbeng nga ipangpangrunada ti amin-tiempo a ministerio. (Disiembre 1, 1996, a Pagwanawanan, panid 18-19, parapo 13-15) Kalpasanna, repasuenda ti balakad iti Marso 8, 1998 nga Agriingkayo!, panid 20-1, a mangipaganetget no apay a nasken a tingitingen dagiti pagsayaatan ken pagdaksan ti kanayonan nga edukasion ken ilimitar dayta iti no ania ti kasapulan ti maysa tapno masuportaranna ti bagina bayat a sireregta a makiramraman iti ministerio. Umanamongda amin a rumbeng a surotenda ti pammagbaga ni Jesus nga iyun-una dagiti banag a mainaig iti Pagarian.—Mat. 6:33.
Kanta 38 ken pangserra a kararag.
Lawas ti Mayo 3
10 min: Lokal a pakaammo. No adda teritoria ti kongregasion a manmano a mawanas, iyanunsio no ania dagiti maar-aramid nga urnos tapno naan-anay a mawanas daytoy bayat a nasayaat pay ti panawen. No agbakbakasion wenno agbibiahetayo, nasken ti nasayaat a panagplano tapno saan a maliwayan ti sangapamiliaan a panagadal, pannakigimong, ken panagserbi iti tay-ak. (Prov. 21:5) Ipalagip iti amin nga itedda dagiti reportda, addada man wenno awanda iti lugarda.
15 min: “Dakayo nga Agtutubo—Basaenyo ti Sao ti Dios!”c Ipakpakaunayo iti maysa wenno dua nga agtutubo a pagkomentuenyo ida maipapan iti panagbasada iti Biblia ken no kasanoda a nagunggonaan iti dayta. Iparegtayo kadagiti agtutubo nga aramidenda a kalat ti panangbasa iti intero a Biblia. Iraman dagiti komento iti libro nga Eskuelaan ti Panagministro, panid 10, parapo 4.
20 min: “Makirupakka iti Nasayaat a Dangadang iti Pammati.” Palawag ti panglakayen a naibatay iti artikulo iti Pebrero 15, 2004, a Pagwanawanan, panid 26-30.
Kanta 164 ken pangserra a kararag.
[Dagiti Footnote]
a Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.
b Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.
c Limitaran dagiti panglukat a komento iti awan pay maysa a minuto, sa isaruno ti saludsod ken sungbat a panangusig.