Eskediul ti Gimong ti Serbisio

Lawas ti Hunio 13

Kanta 198

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Usaren dagiti singasing iti panid 8 (no maitutop iti teritoriayo) a mangidemostra no kasano nga itukon ti Hunio 15 a Pagwanawanan ken ti Hunio 22 nga Agriingkayo! Mabalin nga usaren dagiti dadduma pay a realistiko a presentasion. Iti maysa kadagiti presentasion, idemostra ti panangitukon kadagiti magasin iti di pormal a pamay-an.

15 min: Tulonganyo Dagiti Dadduma nga Agbalin a Di Bautisado nga Agibumbunannag. Palawag ken pagsasaritaan ti tallaong nga idauluan ti panglakayen a naibatay iti Organisado a Mangaramid iti Pagayatan ni Jehova, panid 79-81. Ilawlawag ti urnos iti panangikeddeng no naragpaten ti mayad-adalan iti Biblia dagiti Nainkasuratan a kualipikasion ken mabalinen a kumuyog iti kongregasion a mangasaba. Inton umay a lawas, pagsasaritaantayo no kasanotayo a sanayen a mangrugi a makiraman iti ministerio a panagbalaybalay dagiti iyad-adalantayo iti Biblia a kualipikado kas di bautisado nga agibumbunannag.

20 min: “Ti Panangasaba Tulongannatayo nga Agibtur.”a Pagkomentuen ti tallaong kadagiti nadakamat a teksto no ipalubos ti oras.

Kanta 149 ken pangserra a kararag.

Lawas ti Hunio 20

Kanta 206

10 min: Lokal a pakaammo. Repasuen dagiti kangrunaan a punto iti Hulio 2003 a Ti Ministeriotayo iti Pagarian, panid 4. Ilawlawag no kasano a makagun-od dagiti agibumbunannag kadagiti literatura iti ganggannaet a pagsasao. Salaysayen no kasano nga agaplikar daytoy nga impormasion iti lokal a teritoria. Aniaman a kiddaw para kadagiti literatura iti ganggannaet a pagsasao, uray no maysa laeng, ket maited koma iti kabsat a mangas-asikaso iti literatura tapno mabiit a magun-od dagiti kasapulan a literatura.

15 min: Nabileg ti Sao ti Dios. (Heb. 4:12) Palawag a naibatay iti Nobiembre 15, 2003, a Pagwanawanan, panid 11, parapo 13-17. Mangisalaysay kadagiti kapadasan a mangipakita no kasano a ti pannursuro ti Biblia matignayna dagiti tattao a mangbalbaliw iti kabibiagda. (w00 1/1 p. 3-5) Paregtaen ti amin a mangusar a naimbag iti Biblia iti amin a benneg ti ministerio.

20 min: “Panangikondukta Kadagiti Progresibo a Panagadal iti Biblia—Paset 9.”b No mapagsasaritaan ti parapo 2, itampok ti maysa wenno dua a punto iti Disiembre 2004 a Ti Ministeriotayo iti Pagarian, panid 8. Mangidemostra iti ababa a panangyadal iti Biblia. Kalpasan a mapagsaritaanda ti leksion 2 iti broshur a Kalikaguman, isaludsod ti konduktor iti iyad-adalanna: “Kasanom nga ilawlawag iti gayyemmo no ania ti nagan ti Dios?” Ilawlawag ti estudiante no kasano nga usarenna ti Salmo 83:18, kalpasanna komendaran ti mangyad-adal kenkuana.

Kanta 208 ken pangserra a kararag.

Lawas ti Hunio 27

Kanta 113

10 min: Lokal a pakaammo. Ipalagip kadagiti agibumbunannag nga iteddan ti reportda iti serbisio iti tay-ak iti Hunio. Ibasa ti report ti kuenta ken iyebkas ti panagyaman kadagiti donasion. Usaren dagiti singasing iti panid 8 (no maitutop iti teritoriayo) a mangidemostra no kasano nga itukon ti Hulio 1 a Pagwanawanan ken ti Hulio 8 nga Agriingkayo! Mabalin nga usaren ti sabali a realistiko a presentasion. Kalpasan ti demostrasion, ulitenyo a dakamaten dagiti umuna a sasao a nausar a mangtukay iti interes ti bumalay.

15 min: Lokal a kasapulan.

20 min: Panangitukon Kadagiti Broshur iti Hulio ken Agosto. Palawag ken pagsasaritaan ti tallaong ti suplemento. Ilawlawag iti apagbiit no kasano nga usaren ti suplemento, nga itampok ti kahon iti panid 3 agraman dagiti kangrunaan a punto iti Enero 2005 a Ti Ministeriotayo iti Pagarian, panid 8. Dakamaten dagiti singasing a maitutop iti lokal a teritoria no kasano nga itukon dagiti broshur iti damo nga isasarungkar. Paidemostra ti dua wenno tallo a presentasion. Maysa nga agtutubo nga agibumbunannag ti mangidemostra iti maysa kadagiti presentasion.

Kanta 196 ken pangserra a kararag.

Lawas ti Hulio 4

Kanta 70

10 min: Lokal a pakaammo.

15 min: Mabembenepisiarankayo Kadi iti Eskediul ti Pamiliayo? Repasuen dagiti singasing iti suplemento ti Mayo 2005 a Ti Ministeriotayo iti Pagarian, ken pagkomentuen ti tallaong maipapan iti panangikagumaanda a mangyaplikar kadagiti singasing ken no ania dagiti nagunggonada iti panangaramidda iti dayta.

20 min: “Epektibo a Panangasaba Kadagiti Publiko a Lugar.”c Iyaplikar iti lokal a teritoria. Ipalagip kadagiti agibumbunannag nga usarenda ti porma a Please Follow Up (S-43) no kasapulan.—Kitaenyo ti Pebrero 2005 a Ti Ministeriotayo iti Pagarian, p. 6.

Kanta 120 ken pangserra a kararag.

[Dagiti Footnote]