Naimbag a Damag iti Internet

Iti kaaldawantayo, dadduma a tattao gun-odenda ti impormasion kadagiti elektroniko a gubuayan. Gapuna adda sumagmamano nga umiso nga impormasion nga inserrek ti Sosiedad iti Internet maipapan iti pammati ken trabaho dagiti Saksi ni Jehova.

Ti address ti Internet Web site-tayo ket http://www.watchtower.org ken naglaon iti nadumaduma a tract, broshur, ken artikulo ti Pagwanawanan ken Agriingkayo! iti Ingles ken dadduma pay a lenguahe. Magun-odanen dagiti publikasion iti daytoy a Web site kadagiti kongregasion ken maus-usaren iti ministerio. Ti panggep ti Web site-tayo ket tapno sidadaan ti impormasion a gun-oden ti publiko babaen iti elektroniko a wagas. Saan a nasken nga agiserrek ti asinoman kadagiti impormasion iti Internet maipapan kadagiti Saksi ni Jehova, ti trabahotayo, wenno ti pammatitayo. Ti opisial a site-tayo ipaayna ti umiso nga impormasion para iti asinoman nga agkalikagum.

Nupay awan probision iti elektroniko a mensahe (E-mail) iti site-tayo, nangilista kadagiti direksion dagiti sanga ti Sosiedad iti intero a lubong. Gapuna makapagsurat dagiti tattao tapno makagun-odda iti ad-adu pay nga impormasion wenno personal a tulongan ida dagiti Saksi iti lugarda. Mabalinyo nga ited ti Internet address nga adda iti ngato iti asinoman nga agtarigagay a mangadal iti kinapudno ti Biblia iti kastoy a wagas.