No Ania ti Ibagayo Maipapan Kadagiti Magasin

Ti Pagwanawanan Dis. 15

“Iti daytoy a tiempo ti tawen, malagip ti kaaduan a tattao ti maipapan ken Jesu-Kristo, mamatida man kenkuana wenno saan. Addada agkuna a saan a pudno a persona ni Jesus. Ania ti panangmatmatyo? [Kalpasan a sumungbat, basaen ti Mateo 16:15, 16.] Siguradoak a magustuam a basaen daytoy nga artikulo maipapan ‘Ti Pudno a Jesus’ tapno maammuam no kasano nga apektarannaka ita ken iti masanguanan.”

Agriingkayo! Dis. 22

“Umanamongka kadi a masapultayo ti natalged, mapagpannurayan nga abasto ti taraon tapno agbiagtayo a nasalun-at? [Palubosan a sumungbat.] Kastoy man ti inkari ti Dios iti ilina idi panawen ti Biblia. [Basaen ti Levitico 26:4, 5.] Isalaysay ti Agriingkayo! dagiti pakadanagan iti kaaldawantayo maipapan iti taraon. Mangipaay met kadagiti praktikal a solusion ken ipatuldona ti panawen inton ti Dios ket mangyeg iti kinatalged iti intero a daga.”

Ti Pagwanawanan Ene. 1

“Pinampanunotyo kadin no apay a nasaliwanwan ti biag ti dadduma idinto ta masapul nga agsakripisio ti dadduma tapno adda pagbiagda? Ammoyo kadi nga adda ti ibaga ti Biblia maipapan iti daytoy? [Basaen ti Job 34:19.] Nailawlawag iti daytoy a magasin no kasano a pagpatinggaen ti Dios ti pannakaklase-klase ti tattao.”

Agriingkayo! Ene. 8

“Ammotayo amin daytoy mamagkintayeg iti lubong a trahedia. Nanipud idi, kasapulan dagiti tattao ti kasta unay a liwliwa ken tulong. Malaksid iti dadduma a banag, ilawlawag daytoy nga artikulo no ania a tulong iti ipapaay dagiti Saksi ni Jehova kadagiti nakalasat, para alaw, ken natayan.”