No Ania ti Ibagayo Maipapan Kadagiti Magasin

Ti Pagwanawanan Dis. 1

“Nadlawyo kadi a nagduduma ti pagalagadan dagiti tattao no maipapan iti kinadalus? [Palubosanyo a sumungbat.] Adtoy ti maysa a rason no apay a nasken ti kinadalus. [Basaenyo ti 1 Pedro 1:16.] Mangted daytoy nga artikulo iti sumagmamano a praktikal a singasing no kasano a taginayonen ti kinadalus.” Itampokyo ti artikulo a mangrugi iti panid 9.

Agriingkayo! Dis.

“Adu a tao ti mangdaydayaw ken Jesus iti kastoy a tiempo iti tawen. Sigun iti daytoy a bersikulo, ania ti makunayo a kasayaatan a pamay-an ti panangpadayaw ken Jesus? [Basaenyo ti Juan 14:15 sa palubosanyo a sumungbat.] Awan ti makaammo iti eksakto a petsa ti pannakayanak ni Jesus isu a nalabit masdaawkayo no apay a Disiembre 25 ti nausar a petsa para iti Krismas.” Itampokyo ti artikulo a mangrugi iti panid 10.

Ti Pagwanawanan Ene. 1

“Iti intero a lubong, nagduduma ti kapanunotan dagiti tattao maipapan ken Maria nga ina ni Jesus. Dakayo ngay, ania ti makunayo? [Palubosanyo a sumungbat.] Ipakita ti Biblia nga adda naisangsangayan nga akem ni Maria iti pakasaritaan ti tao. [Basaenyo ti Lucas 1:30-32.] Ilawlawag daytoy a magasin no ania ti maadaltayo kenkuana.”

Agriingkayo! Ene.

“Maat-atiananen ti adu kadagiti danaw ken karayan iti intero a lubong. Kas resultana, awan ti pagalaan ti minilion a tattao iti nadalus a danum a mainum. Iti panagkunayo, kabaelan ngata ti tao a solbaren a naan-anay daytoy a parikut? [Palubosanyo a sumungbat sa basaenyo ti Jeremias 10:23.] Ilawlawag daytoy a magasin no ania ti kakaisuna a solusion a nadakamat iti Biblia.”