Ti Video a The Bible—A Book of Fact and Prophecy

Ti Mankind’s Oldest Modern Book ti umuna kadagiti tallo a video a linaon ti DVD a The Bible—A Book of Fact and Prophecy. Kalpasan a mabuyayo ti video, sungbatanyo dagiti sumaganad a saludsod.

(1) Kadagiti ania a wagas nga agtunos ti Biblia ken ti moderno a siensia? (2) Kasanotayo a masigurado a ti linaon ti Bibliatayo iti moderno a panawen ket isu met laeng ti linaon ti orihinal a manuskrito? (3) Ania ti naisangsangayan nga aspeto dagiti teksto ti kadaanan a manuskrito ti Biblia? (4) Kadagiti ania a pamay-an a da John Wycliffe, Johannes Gutenberg, William Tyndale, John Hus, Martin Luther, Casiodoro de Reina, ken Charles Taze Russell nakatulongda iti panangisaknap iti Sao ti Dios iti intero a lubong, ken kasano a ti Biblia ket binusor unay ti simbaan? (5) Kasano a ti praktikal a balakad ti Biblia tinulonganna dagiti tattao a mangtaming kadagiti problema mainaig iti salun-at (Sal. 34:8), pannakaigamer iti sugal (1 Tim. 6:9,10), panagsina ken panangliput iti asawa (1 Cor. 13:4, 5; Efe. 5:28-33), ken pannakakumikom kadagiti material a kinabaknang (Mat. 16:26)? (6) Ania dagiti pammaneknek a mangipakita a maparmek ti panaggiginnura ti nasion, tribu, ken puli no mayaplikar dagiti Nainkasuratan a prinsipio (Luc. 10:27)? (7) Kadagiti ania a pamay-an a ti panangsalimetmet kadagiti prinsipio ti Biblia ikkannakayo iti dakdakkel a ragsak? (8) Kasanom nga usaren daytoy a video a mangtulong kadagiti sabsabali?—Kitaem ti panid 8 ti Pebrero 2006 a Ti Ministeriotayo iti Pagarian.