Biblían – elsta nútímabók mannkynsins
1 Biblían er útbreiddasta bókin frá því sögur hófust. Engin önnur bók hefur verið þýdd á jafnmörg tungumál. Þar að auki hefur enginn hópur manna verið eins kostgæfinn og vottar Jehóva við að útbreiða Biblíuna og kynna hana opinberlega sem orð Guðs.
2 Þar sem Biblían er orð Guðs getum við treyst því að hún komi með nothæfar lausnir á vandamálum sem mæta mönnum nú á tímum. Og skipulag Jehóva veitir raunhæfa hjálp til að finna slíkar lausnir, bæði með prentmáli og myndböndum. Það er okkur því ánægjuefni að tilkynna að komið er út myndbandið The Bible — Mankind’s Oldest Modern Book sem er annað af þremur myndböndum sem sýna greinilega að Biblían er innblásin. Myndband þetta má núna panta í söfnuðinum en talið er aðeins á ensku enn sem komið er. Sýningartíminn er 40 mínútur.
3 Líkt og fyrsta myndbandið í þessari röð eflir þetta myndband traust manna á Biblíunni sem leiðsögn frá Guði. Það notar efni, sem hefur verið kvikmyndað í biblíulöndum og söfnum um allan heim, til að leiða okkur fyrir sjónir hvernig Jehóva Guð hefur varðveitt Biblíuna í gegnum aldirnar allt fram til okkar daga. Þú munt sjá hvernig nákvæmni Biblíunnar hefur varðveist þrátt fyrir síendurtekna afritun og þýðingar. Þú munt sjá hvernig þessi mikla bók frá Guði hefur varðveist þrátt fyrir óhemjumikla andstöðu gegn dreifingu hennar. Þú munt einnig sjá lifandi vitnisburð um hvernig Biblían hefur breytt lífi fólks til hins betra.
4 Þetta myndband verður ómetanlegt fyrir umræður í fjölskyldunni og í mörgum öðrum hagnýtum tilgangi — alveg eins og fyrsta myndbandið í þessum myndbandaflokki. Við erum vissir um að Jehóva muni blessa notkun þess. Myndböndin The Bible — Accurate History, Reliable Prophecy og Jehovah’s Witnesses — The Organization Behind the Name eru enn þá fáanleg og má líka panta hjá bókadeild safnaðarins.