Hjálpum öðrum að meta gildi rita okkar
1 „Orð Guðs er lifandi og kröftugt.“ (Hebr. 4:12) Sökum þess að ritin okkar, sem byggð eru á Biblíunni, hjálpa fólki að hafa gagn af kraftinum í orði Guðs notum við þau til að örva áhuga á Biblíunni þegar við berum óformlega vitni eða störfum hús úr húsi.
2 Tilboð okkar í janúar er bókin Lífið — varð það til við þróun eða sköpun? ásamt bæklingnum Andar hinna dánu. Þessi bók hefur verið tilboð mánaðarins tvo mánuði á ári síðastliðin þrjú ár hér á landi. Flestir boðberanna hafa því nokkra reynslu af að bjóða hana og auk þess hafa mörg heimili þegar fengið þessa bók. Hvernig getum við haldið áfram að bjóða hana á áhrifaríkan hátt og hvað má gera þegar húsráðandinn segist þegar eiga bókina?
3 Hvernig hægt er að undirbúa sig: Rifja má upp tillögurnar í Ríkisþjónustu okkar frá fyrri árum varðandi Sköpunarbókina. Gott væri einnig að velta fyrir sér hvort ekki mætti nota eitthvað af því sem efst er á baugi í fréttum líðandi stundar til að hefja samræður sem síðan væri hægt að leiða inn á efni sem Sköpunarbókin fjallar um. Ef til vill getur þú notað ritningarstað sem bókin vitnar í og annaðhvort lesið hann frá Biblíunni eða úr Sköpunarbókinni ef hann er skrifaður út þar. Ef viðmælandi þinn sýnir einlægan áhuga gætir þú boðið honum bókina. Þá strax, eða við annað tækifæri síðar ef það virðist betur við hæfi, gætir þú útskýrt stuttlega hvernig þetta prédikunarstarf um heim allan er fjármagnað og gefið honum tækifæri til að leggja eitthvað af mörkum ef hann kærir sig um. Hvað sem öðru líður skaltu reyna að skilja hann eftir með spurningu eða hugmynd sem þú getur notað sem grundvöll fyrir endurheimsókn.
4 Þú gætir til dæmis sagt:
◼ „Í síðasta mánuði sögðu margir foreldrar börnum sínum að jólasveinninn hefði komið með þessa eða hina gjöfina. Sumum finnst slík ósannindi gagnvart litlum börnum ósköp saklaus. Þau læri sannleikann í málinu nógu fljótt. Hvað finnst þér? [Gefðu kost á svari.] Þegar börnin hins vegar stálpast er haldið að þeim öðrum og mun alvarlegri ósannindum, ekki síst innan veggja skólanna. Þar á ég við þróunarkenninguna sem oft á tíðum mótar síðan lífsviðhorf nemendanna það sem eftir er ævinnar. En hvers vegna trúa svona margir þróunarkenningunni?“ Gefðu kost á svari og notaðu síðan valið efni úr 15. kafla Sköpunarbókarinnar.
5 Ef húsráðandinn hefur þegar fengið bókin gætir þú, ef það virðist viðeigandi, beðið hann að sækja hana og síðan vakið athygli hans á ákveðnum atriðum í henni. Hugsanlega gætir þú notað prentuðu spurningarnar. Haltu þér við mjög takmarkað efni og vertu ekki of lengi. Leggðu grunninn að endurheimsókn.
6 Notum bæklinginn Andar hinna dánu: Í hvert sinn sem við útbreiðum Sköpunarbókina núna í janúar skulum við láta þennan bækling fylgja með. Auk þess má nota hann einan sér þegar svo ber undir. Þú skalt ekki láta „afríkulegt“ útlit bæklingsins hindra þig í að nota hann. Ef spíritisma eða ódauðleika sálarinnar ber á góma er vel við hæfi að taka hann fram og nota myndirnar og textann sem umræðugrundvöll. Framsetningin er einföld en sannleikurinn um sálina og illa anda er það líka.
7 Stundum á kannski betur við að bjóða blað eða smárit. Við höfum fulla ástæðu til að bjóða ritin okkar með eldmóði og vera kostgæf við að hvetja menn til að lesa þau til þess að þeir geti líka fengið að reyna hversu máttugt orð Guðs getur verið í lífi þeirra er þeir taka til sín leiðsögn þess.