Þarf ég að halda áfram að breyta til?

Í hverju tölublaði Ríkisþjónustu okkar eru margvíslegar tillögur um biblíuleg kynningarorð sem við getum notað í boðunarstarfinu. Margir talsvert virkir boðberar vilja gjarnan fá nýjar hugmyndir og nota mismunandi leiðir. Ríkisþjónusta okkar kemur til móts við þarfir þeirra með því að koma með allnokkrar tillögur í hverjum mánuði.

Það kann hins vegar að vera að þér finnist þú ekki þurfa að breyta sífellt til. Þú hefur ef til vill aðeins fáeinar klukkustundir aflögu hvern mánuð til boðunarstarfsins. Með tímanum kannt þú að hafa komið þér upp ákveðnum kynningarorðum sem þér finnst þægilegt að nota og hafa gefið góða raun. Þú reiðir þig ef til vill á nokkra ritningarstaði sem oft eru notaðir, þar á meðal Sálm 37:9-11, 2. Pétursbréf 3:13, Opinberunarbókina 21:4 og fleiri. Sé svo er engin ástæða fyrir þig að finnast þú skuldbundinn til að breyta oft yfir í eitthvað annað. Markmið okkar er fyrst og fremst að deila voninni um Guðsríki með öðrum og hjálpa þeim að læra hvað þeir þurfa að gera til að verðskulda blessun Jehóva. Ef þú finnur tímabær og aðlaðandi kynningarorð í Rökræðubókinni, sem þú vilt frekar nota og húsráðendur bregðast vel við, skaltu ekki hika við að nota þau.